शिरूर, ता. ७ : पुणे विभागातील पदवीधर व शिक्षक मतदारसंघात मतदार नोंदणी प्रक्रियेला सुरुवात झाली आहे. शिरूर तालुक्यातील पात्र मतदारांनी आपली नावे मतदार यादीत नोंदवा, असे आवाहन सहायक मतदार नोंदणी अधिकारी तथा उपजिल्हाधिकारी संगीता राजापूरकर आणि तहसीलदार बाळासाहेब म्हस्के यांनी केले आहे. शिक्षक मतदार यादीमध्ये नाव नोंदविण्याकरिता शिक्षक मतदारांसाठी १९ नंबरचे फॉर्म उपलब्ध करुन देण्यात आले आहेत. यासाठी मतदार हा १ नोव्हेंबर २०२५ पूर्वीच्या सहा वर्षांतील किमान तीन वर्ष माध्यमिक शाळेच्या दर्जापेक्षा कमी नसलेल्या अशा कोणत्याही मान्यताप्राप्त शैक्षणिक संस्थेत अध्यापन केलेला असावा. तसेच, पदवीधर मतदारसंघात नाव नोंदविण्यासाठी फॉर्म १८ उपलब्ध करून देण्यात आले आहेत. यासाठी १ नोव्हेंबर २०२५ पूर्वी किमान तीन वर्ष मान्यताप्राप्त विद्यापीठाची पदवी किंवा त्या समकक्ष अर्हता प्राप्त केलेल्या व्यक्ती ''पदवीधर मतदार'' म्हणून नोंदणी करण्यास पात्र असणार आहेत. हे अर्ज करताना आवश्यक कागदपत्रे जोडणे बंधनकारक असून चुकीची माहिती दिल्यास कायदेशीर कारवाईला सामोरे जावे लागू शकते.
त्यामुळे पात्र मतदारांनी मुदतीत आपले अर्ज सादर करून लोकशाही प्रक्रियेत सहभाग नोंदवावा, असे आवाहन राजापूरकर व म्हस्के यांनी केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.