सासवड, ता. ७ : सासवड (ता. पुरंदर) येथील शिवतीर्थ ते सोपानदेव मंदिराकडे जाणाऱ्या रस्त्याची दुरवस्था झाली आहे. जागोजागी पडलेल्या खड्ड्यांमुळे नागरिक आणि वाहनचालकांना मोठ्या अडचणींना सामोरे जावे लागत आहे. याबरोबरच शहरातील मुख्य बाजारपेठ व अंतर्गत रस्त्यांवर काही प्रमाणात खड्डे पडले आहेत.
शिवतिर्थामागील नगरपरिषदेचे विक्री केंद्र, तसेच हा रस्ता पालखी महामार्ग आणि सासवड- कोंढवा मार्गाला जोडतो. रस्त्याच्या दुतर्फा विविध दुकानांमुळे, तसेच येथे वाघिरे हायस्कूलचे प्रवेशद्वार असल्याने विद्यार्थी, पालक, नागरिकांची रहदारी असते. शाळा भरताना आणि सुटताना मोठ्या प्रमाणात वाहतूक कोंडीची समस्या निर्माण होते. यामुळे अनेकदा वाहनचालकांमध्ये वादही होत असून, दररोज शेकडो वाहनांच्या वर्दळीमुळे रस्त्याची अधिकच दुरवस्था झाली आहे.
या रस्त्यासह मुख्य बाजारपेठेतील रस्त्यावरील खड्डे, दुतर्फा लागलेल्या दुचाक्या, विद्यालय भरताना आणि सुटताना होणारी गर्दी, विक्री केंद्रामध्ये येणाऱ्या ग्राहकांची रस्त्यावर बेशिस्तपणे उभी राहणारी वाहने, यामुळे वाहतूक कोंडी होते. याबाबत पालिका आणि पोलिस प्रशासनाने सम आणि विषम तारखांनुसार वाहनांच्या पार्किंगची व्यवस्था करावी, अन्यथा आंदोलन करण्यात येईल.
- सागर जगताप, स्थानिक नागरिक
या मार्गावर पालिकेने तात्पुरत्या स्वरूपात क्रॉंक्रिटने काही खड्डे बुजविले आहेत. गेल्या काही दिवसांपासून शहरातील रस्त्यांसह अन्य विकास कामांसाठी शासनाने निधी देण्याबाबत कमालीची उदासीनता दाखवल्याने त्याचा परिणाम या कामांवर होत आहे. सध्या पालिकेकडे निधी नाही. डांबरीकरणासाठी प्रस्ताव पाठवला असून, निधीची उपलब्धता झाल्यावर रस्त्यांची कामे केली जातील.
- डॉ. कैलास चव्हाण, मुख्याधिकारी
05825
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.