उरुळी कांचन, ता. १९ : अण्णा भाऊ साठे यांना भारतरत्न मिळावा, तसेच मांग गारुडी समाज बांधवांच्या इतर मागण्यासाठी लोणी काळभोर (ता. हवेली) येथील राष्ट्रीय मांग गारुडी क्रांती सेनेच्या वतीने मुख्यमंत्री देवेंद्र फडणवीस यांना लेखी स्वरूपात निवेदन देण्यात आले. या मागणीसाठी राष्ट्रीय मांग गारुडी क्रांती सेनेचे प्रदेशाध्यक्ष व इतर पदाधिकारी यांनी पुणे ते मुंबई पायी चालत जाऊन मुंबईतील राज्य अधिवेशन विधानभवन येथे मुख्यमंत्री फडणवीस यांच्याशी प्रत्यक्ष चर्चा केली आहे. याप्रसंगी राष्ट्रीय प्रभारी नागेश मानकर, राष्ट्रीय उपाध्यक्ष सीताराम खलसे, राष्ट्रीय युवा अध्यक्ष केशव राखपसरे व महाराष्ट्र प्रदेश अध्यक्ष विजय बोडके उपस्थित होते. मांग गारुडी समाज बांधवांच्या सामाजिक, शैक्षणिक, वैद्यकीय, सांस्कृतिक व आर्थिक विकास होण्यासाठी एकूण २१ मागण्याचे निवेदन दिले. यावेळी मांग गारुडी समाज बांधव महिला उपस्थित होत्या.