उरुळी कांचन, ता. ७ : अहिल्यानगर येथील विभागीय जलतरण स्पर्धेत इयत्ता दहावीतील सुहानी कमलेश काळभोर हिने १९ वर्षांखालील गटात ५० मीटर ब्रेस्टस्ट्रोक प्रकारात द्वितीय क्रमांक, तर अकरावी कॉमर्समध्ये शिक्षण घेणाऱ्या ख्यात बाहेकर याने १९ वर्षांखालील गटात २०० मीटर फ्रीस्टाइल प्रकारात द्वितीय क्रमांक पटकावला. या दोघांची निवड १५ ऑक्टोबर रोजी लातूर येथे होणाऱ्या राज्यस्तरीय स्पर्धेसाठी झाली आहे. स्पर्धेसाठी विद्यार्थ्यांना क्रीडा शिक्षक पद्माकर फड, सीबीएससीचे प्रशिक्षक निवास साळुंखे, प्राचार्या अरुणा अँटणी यांनी मार्गदर्शन केले. लोणी काळभोर येथील एमआयटी सीबीएससी स्कूलच्या पाच विद्यार्थ्यांनी जिल्हास्तरावर यश संपादन करत विभागीय स्पर्धेसाठी पात्रता मिळवली होती. क्रीडा व युवक सेवा संचालनालय, जिल्हा क्रीडा परिषद अहिल्यानगर यांच्या संयुक्त विद्यमाने या विभागीय जलतरण स्पर्धेचे आयोजन सोमवारी (ता. ६) जिल्हा क्रीडा संकुल, वाडिया पार्क, अहिल्यानगर येथे करण्यात आले होते. या स्पर्धेमध्ये संपूर्ण विभागातून सुमारे ७०० स्पर्धकांनी सहभाग घेतला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.