कोथरूडमध्ये उद्यापर्यंत
‘गो स्वदेशी’ वस्त्र प्रदर्शन
पुणे, ता. ५ : देशातील हस्तकला कारागिरांना व्यासपीठ उपलब्ध करून देणाऱ्या ‘गोकूप’ ऑनलाइन मंचातर्फे ‘गो स्वदेशी’ हे वस्त्र आणि हस्तकलाविषयक प्रदर्शन आयोजित करण्यात आले आहे. विविध साड्या, वस्त्रे, दागिने, फॅब्रिक्स अशा गोष्टी या प्रदर्शनात पाहायला आणि खरेदी करायला मिळणार आहेत. कोथरूडमधील हर्षल हॉल इथे २९ एप्रिलपासून सुरू असलेले हे प्रदर्शन येत्या रविवारपर्यंत (ता. सात) सुरू राहणार आहे.
आंध्र प्रदेश, बिहार, जम्मू-काश्मीर, मध्य प्रदेश, राजस्थानसह विविध राज्यांतील कारागिरांनी तयार केलेली वस्त्रप्रावरणे आणि वस्तू या प्रदर्शनात विक्रीसाठी उपलब्ध आहेत. पोचमपल्ली, संबलपुरी आणि टसर साड्यांसह विविध प्रकारच्या साड्या हे प्रदर्शनाचे वैशिष्ट्य आहे.  हाताने तयार केलेले दागिने, गृहसजावटीच्या वस्तू, फॅब्रिक्सही प्रदर्शनात उपलब्ध आहेत.