१) ‘चित्र लिपी’
आंतरराष्ट्रीय संग्रहालय दिनानिमित्त पारंपारिक भारतीय लोककलांच्या प्रदर्शनाचे आयोजित करण्यात आले आहे. ‘चित्र लिपी’ नावाच्या या प्रदर्शनात ज्येष्ठ कलाकार दिलीप पुराणिक यांच्या कलाकृती पाहायला मिळतील. या प्रदर्शनात मिथिला - मधुबनी, वारली, कलमकारी, गोंड लोककलांची अस्सल पारंपारिक स्वरूपातील रंगीत चित्रे पाहायला मिळतील.
कधी ः शनिवार (ता. २०) ते बुधवार (ता. २४)
केव्हा ः सकाळी ११ ते रात्री ८
कुठे ः पु. ना. गाडगीळ अँड सन्स आर्ट गॅलरी, हॅपी कॉलनी, कोथरूड

२) ‘बैठक’
अल्फा इव्हेंट्सतर्फे शास्त्रीय संगीतावर आधारित ‌‘बैठक’ सांगीतिक मालिकेअंतर्गत वर्षभरात सहा उपक्रम घेतले जाणार आहेत. या मालिकेतील पहिले पुष्प ग्वाल्हेर घराण्याचे ज्येष्ठ गायक पं. अमरेंद्र धनेश्वर आणि जयपूर-अत्रौली घराण्याच्या युवा गायिका डॉ. राधिका जोशी गुंफणार आहेत. त्यांना व्हायोलिनवर प्रज्ञा देसाई, संवादनीवर लीलाधर चक्रदेव आणि तबल्यावर प्रणव गुरव साथसंगत करणार आहेत.
कधी ः शनिवार (ता. २०)
केव्हा ः सायंकाळी ५.३० वाजता
कुठे ः द बेस, एसएनडीटी समोर, एरंडवणे

३) ‘दीपक - अ सोर्स ऑफ लाइट
नवोदित कलाकारांना व्यासपीठ उपलब्ध करून देण्याच्या उद्देशाने कथक नृत्यांगना शीतल कोलवालकर आणि कथकनाद संस्थेतर्फे ‘दीपक-अ सोर्स ऑफ लाइट या कार्यक्रमाचे आयोजन केले आहे. या कार्यक्रमाची सुरुवात पं. भीमसेन जोशी यांचे नातू विराज जोशी यांच्या गायनाने होईल. त्यानंतर शुभम उगळे यांचे पखवाज वादन होईल. कार्यक्रमाचा समारोप प्रसिद्ध कथक नृत्यांगना शीतल कोलवालकर यांच्या शिष्यांच्या कथक नृत्य सादरीकरणाने होईल.
कधी ः रविवार (ता. २१)
केव्हा ः सकाळी १० ते दुपारी १
कुठे ः एमईएस बालशिक्षण सभागृह, मयूर कॉलनी