पुणे, ता. ६ : अवयवदान क्षेत्रात गेल्‍या दशकभरापासून जागरूकता निर्माण करणाऱ्या पुण्‍यातील ‘रिबर्थ फाउंडेशन’ला प्रादेशिक व राज्‍य अवयव उतक प्रत्‍यारोपण संस्‍थेतर्फे (रोट्‌टो– सोट्‌टो) ‘सहकार्य करणारी संस्‍था’ या पुरस्‍काराने सन्‍मानित करण्‍यात आले. हा पुरस्‍कार त्‍यांना सार्वजनिक आरोग्‍यमंत्री प्रकाश आबिटकर यांच्‍या हस्‍ते मुंबईत झालेल्‍या राष्‍ट्रीय अवयवदान दिन समारंभात प्रदान करण्‍यात आला. हा पुरस्‍कार संस्‍थेचे अध्‍यक्ष पंकज मोदानी यांनी स्‍वीकारला. ते म्‍हणाले, की आजही हजारो रुग्‍ण दुसऱ्या जीवनाच्‍या प्रतीक्षेत असून, अवयवदानाचे कार्य संस्‍थेकडून करण्‍यात येते. या समारंभात डॉक्‍टर, अवयवदाते, कुटुंबीय, अवयवप्राप्‍त रुग्‍ण, स्‍वयंसेवी संस्‍था उपस्थित होत्‍या.
.................