पुणे, ता. १८ : शहर व उपनगरांत सोमवारी सायंकाळी सहा वाजेपर्यंत सरासरी २० ते ३० मिलिमीटर पाऊस पडला. सकाळपासून सुरू झालेला पाऊस दुपारी चार वाजेपर्यंत सुरू होता. अचानक आलेल्‍या पावसामुळे पुणेकरांची तारांबळ उडाल्‍याचे पाहायला मिळाले. दरम्‍यान, मंगळवारी पावसाचा जोर असाच कायम राहणार असून, पुण्‍याला हवामान विभागाने ‘रेड अलर्ट’ दिला आहे, तर बुधवारी व गुरुवारी जिल्ह्याला ‘यलो अलर्ट’ दिल्‍याने पावसाचा जोर काहीसा ओसरणार आहे.
हवामान विभागाने दिलेल्‍या माहितीनुसार, सोमवारी शिवाजीनगर परिसरात २९.७ मिलिमीटर पाऊस पडला, तसेच पाषाण- २८.९, लोहगाव- १९, चिंचवड- २९, लवळे- ३७ व मगरपट्‌ट्यामध्ये १७.५ मिलिमीटर पावसाची नोंद झाली. त्‍याचप्रमाणे हवेली १४, हडपसर १८ मिलिमीटर पावसाची नोंद झाली. ग्रामीण भागात पावसाचा जोर शहराच्‍या तुलनेने कमी होता. सकाळी आठ वाजेपर्यंत या ठिकाणी एक मिलिमीटरच्या आत पाऊस झाला होता, तसेच कमाल तापमान हे २६ ते २७ अंश सेल्सिअस, तर २१ ते २२ अंश सेल्सिअसच्या दरम्‍यान राहील, असा अंदाज व्‍यक्‍त केला आहे. दरम्‍यान, शुक्रवारी घाटमाथ्यावर तुरळक ठिकाणी जोरदार पावसाची शक्‍यता आहे, तर शनिवारपासून पावसाचा जोर ओसरणार असल्‍याचा अंदाज पुणे वेधशाळेने व्‍यक्‍त केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.