पुणे, ता. २७ : रोटरी क्लब ऑफ पुणे सहवासच्या वतीने एरंडवणा येथील सेवा भवन येथे रोटरी व्यावसायिक गुणवत्ता व सेवा गौरव पुरस्कार सोहळा आयोजित केला होता. सोहळ्यात निम्न स्तरातील विद्यार्थी आणि स्त्रियांसाठी काम करणाऱ्या स्वरूपवर्धिनीचे उपाध्यक्ष शिरीष पटवर्धन, दिव्यांग मतिमंद मुले आणि त्यांच्या पालकांसाठी काम करणाऱ्या उमेद फाउंडेशनचे राकेश सणस व उदयोन्मुख गायिका सन्मिता धापटे-शिंदे यांना सन्मानपत्र देऊन गौरविण्यात आले.
पुरस्काराचे वितरण रोटरी डिस्ट्रिक्ट ३१३१चे प्रांतपाल शीतल शहा यांच्या हस्ते करण्यात आले. याप्रसंगी सन्मिता यांनी भजन सादर केले. या वेळी रोटरी सहवासच्या अध्यक्षा निवेदिता मुळे, सचिव विवेक जोशी यांच्यासह पदाधिकारी व सभासद उपस्थित होते. तारिणी लाळे यांनी मानपत्र वाचन व सुप्रिया वैद्य यांनी व्यवस्थापन केले. तृप्ती भिडे यांनी सूत्रसंचालन केले.
................