पुणे, ता. २५ ः चंदननगरमधील पाण्याच्या टाकीच्या मुख्य जलवाहिनीचे काम करण्यात येणार असल्याने शुक्रवारी (ता. २८) खराडी, चंदननगर व वडगाव शेरी तसेच लष्कर जलकेंद्रावर अवलंबून असलेल्या परिसराचा पाणीपुरवठा बंद राहणार आहे. दुसऱ्या दिवशी शनिवारी (ता. १ मार्च) पाणीपुरवठा उशिरा व कमी दाबाने होईल, अशी माहिती महापालिकेच्या पाणीपुरवठा विभागाकडून देण्यात आली.
चंदननगरमधील टाकीच्या मुख्य जलवाहिनीचे तातडीचे व अत्यावश्‍यक स्वरूपाचे दुरुस्तीचे काम शुक्रवारी केले जाणार आहे. त्यामुळे खराडी, चंदननगर, वडगाव शेरीमधील आनंद पार्क, सुनीतानगर, गणेशनगर, स्वामी समर्थ, नामदेवनगर, मतेनगर, पुण्यनगरी, महावीरनगर, मुन्नवार सोसायटी, माळवाडी परिसर तसेच लष्कर जलकेंद्रावर अवलंबून असलेल्या परिसराचा पाणीपुरवठा बंद राहणार आहे. शनिवारी उशिरा व कमी दाबाने पाणीपुरवठा होईल.