मी गेल्या १५ वर्षांपासून आळंदी ते पंढरपूर वारी करत आहे. माझ्या आई-वडिलांची इच्छा होती की, मी त्यांच्यासोबत वारीला यावं. देहूपासून पंढरपूरपर्यंत आम्ही वारी पूर्ण करतो. यामधील आठवणी संपूर्ण वर्षासाठी ऊर्जेचा स्रोत ठरतात.
- संतोष टावरे, बारामती

गेल्या १८ वर्षांपासून मी पायी वारी करत आहे. वारीमुळे माझा अध्यात्माकडे कल वाढू लागला. मी माझ्या संपूर्ण कुटुंबीयांसोबत वारीत सहभागी झालो आहे. विठ्ठलाच्या जयघोषात कधी पंढरपूरला पोहोचतो, हे आम्हाला कळतही नाही.
- दत्तात्रेय राशिंग, अहिल्यानगर

आळंदी ते पंढरपूर वारी ३० वर्षांपासून करत आहे. वारीतील किमान २० दिवसांचा प्रवास करून पंढरपूरच्या भूमीत जाऊन, विठ्ठलाच्या मंदिराचा कळस पाहून मनाला समाधान वाटत.
- काशीबाई कर्डे, धाराशिव

आळंदी ते पंढरपूर आणि पंढरपूर ते आळंदी असा सर्व प्रवास आम्ही पायी वारीने पूर्ण करतो. १७ वर्षांपासून आमचा २६ जणांचा गट वारीत सहभागी असतो. संपूर्ण वारीचा प्रवास सुखमय असतो.
- गुलाबराव फुलपगार, संभाजीनगर

वारीत सहभागी होण्याची ही माझी सातवी वेळ आहे. दरवर्षी मी आणि माझी पत्नी माऊलींच्या वारीत सहभागी होतो. पंढरपुरात गर्दी असल्याने आम्हाला विठ्ठलाला एक सेकंद देखील डोळे भरून पाहता येत नाही. लांबूनच मंदिराच्या कळसाचे दर्शन घ्यावे लागते.
- रमाबाई वाडेकर, शिरूर

वर्षभर असलेली गुडघेदुखी वारीच्या वेळी नाहीशी होते. हे बळ आम्हाला विठ्ठलच देतो. मी गेली २१ वर्षे वारी करत आहे. संपूर्ण वारी अगदी निर्मलपणे पार पडते.
- मंगल लोहोट, भीमाशंकर