पुणे, ता. ७ : देशातील आघाडीची इलेक्ट्रिक दुचाकी उत्पादक कंपनी ‘ॲथर एनर्जी’ने ‘रिझ्टा फॅमिली स्कूटर’ श्रेणीतील नवीन दुचाकी ‘रिझ्टा एस’ बाजारात आणली आहे. १५९ किलोमीटरची ‘आयडीसी’ रेंज देणारी ही दुचाकी सुमारे एक लाख ३७ हजार रुपये अशा परवडणाऱ्या किमतीत उपलब्ध असून देशात टेस्ट ड्राईव्ह व विक्रीसाठी खुली झाली आहे.
‘रिझ्टा स्कूटर’ २०२४ मध्ये बाजारात दाखल झाली होती. त्यानंतर अल्पावधीतच एक लाख दुचाकींच्या विक्रीचा टप्पा पार करत ६० टक्के विक्रीचा वाटा पार केला आहे. आता सादर झालेल्या नवीन ‘रिझ्टा’मुळे मालिका अधिक बळकट झाली आहे. मोठी बॅटरी असूनही आरामदायक राईड, दर्जेदार बांधणी आणि भरवशाची कार्यक्षमता या दुचाकीमध्ये आहे.
‘ॲथर एनर्जी’चे मुख्य व्यवसाय अधिकारी रवनीत एस. फोकेला म्हणाले, ‘‘रिझ्टा ही दुचाकी देशात लोकप्रिय ठरली आहे. ग्राहकांच्या बदलत्या गरजांनुसार अधिक रेंजची मागणी वाढत आहे आणि त्याला अनुसरून आम्ही ‘रिझ्टा एस’ सादर करत आहोत. यामुळे वापरकर्त्यांना एका चार्जिंगमध्ये १५९ किलोमीटरपर्यंतचा प्रवास करता येईल. यात सात इंचांचा डिस्प्ले, ऑटोहोल्ड, अ‍ॅलेक्सा स्किल्स, इमर्जन्सी स्टॉप सिग्नल, टो अँड थेफ्ट अलर्ट्स, फाइंड माय स्कूटर यांसारखी आधुनिक वैशिष्ट्ये आहेत.’’