Latest Maharashtra News Updates : मीरारोडवर अखेर मनसेचा मोर्चा

मीरारोडवर अखेर मनसेचा मोर्चा काढण्यात आला.आंतरराष्ट्रीय क्रिकेट परिषदेचे नवे मुख्य कार्यकारी अधिकारी म्हणून संजोग गुप्ता यांची नियुक्ती करण्यात आली आहे.मुख्यमंत्री देवेंद्र फडणवीस यांनी भाजप खासदार निशिकांत दुबे यांच्या वादग्रस्त वक्तव्यावर प्रतिक्रिया देताना स्पष्ट केलं की,मराठी माणूस नेहमीच देशाच्या प्रगतीत महत्त्वाची भूमिका बजावत आला आहे. दुबेंनी विशिष्ट संघटनेविषयी मत मांडलं असून, मराठी जनतेबद्दल नव्हे,असंही ते म्हणाले .सर्वोच्च न्यायालयाचे सरन्यायाधीश महाराष्ट्राच्या विधान भवनात येत असताना विधानसभेचे विरोधी पक्षनेते पद खाली आहे. हे परंपरेला साजेसे नाही, त्यामुळे विरोधकांनी विधानसभेच्या कामकाजवर टाकला बहिष्कार विरोधकांनी सभात्याग केला आहे.न्याय द्या, चीफ जस्टिस न्याय द्या अशी घोषणा विरोधकांनी केली..सांताक्रूज पूर्वेकडील वाकोला परिसरात एका नामांकित चार्टर्ड अकाउंटंटने आत्महत्या केल्याची खळबळजनक घटना समोर आली आहे. राज मोरे (वय ३२) असे आत्महत्या करणाऱ्या युवकाचे नाव असून, त्याने विष पिऊन जीवन संपवले. फेसबुकवर एका तरुणीसोबत ओळख होऊन त्यांच्यात शारीरिक संबंध निर्माण झाले होते. मात्र, या संबंधांचे व्हिडिओ तरुणीच्या मित्राने चोरून शूट केले आणि नंतर दोघांनी मिळून व्हिडिओ व्हायरल करण्याची धमकी देत १८ महिन्यांत तब्बल तीन कोटी रुपये उकळले. आरोपींनी राज मोरे यांना त्यांच्या कुटुंबियांसमोरच शिवीगाळ करून मारहाणही केली होती. या सर्व प्रकाराला कंटाळून त्यांनी आत्महत्या केली. आत्महत्येपूर्वी लिहिलेल्या चिठ्ठीत राज यांनी दोघांची नावे स्पष्टपणे नमूद केली असून, त्या आधारे वाकोला पोलिसांनी आत्महत्या प्रवृत्त करणे, खंडणी आणि ब्लॅकमेलिंग यासारख्या गंभीर गुन्ह्यांखाली दोघांविरोधात तक्रार दाखल केली आहे. सद्यस्थितीत आरोपींचा शोध सुरू आहे..सकाळी ऑफिसला जाण्याच्या घाईगडबडीत एलबीएस मार्गावरून पूर्व द्रुतगती मार्गाकडे वळणाऱ्या मार्गिकेवर वाहनांच्या लांबच लांब रांगा लागल्या आहेत. गोरेगाव लिंक रोडमार्गे ठाणे, मुंबई आणि नवी मुंबईकडे जाणाऱ्या वाहनांच्या संख्येत मोठी वाढ झाल्याने या मार्गावर तीव्र वाहतूक कोंडी निर्माण झाली आहे. परिणामी अनेक चाकरमानी वेळेवर ऑफिसला पोहोचण्यात अपयशी ठरले असून, ट्राफिकमुळे संतप्त झालेल्या नागरिकांनी सोशल मीडियावर संताप व्यक्त केला आहे. महापालिका आणि वाहतूक विभागाकडून अद्याप कोणतीही ठोस उपाययोजना करण्यात आलेली नसल्याने नागरिकांमध्ये नाराजीचा सूर आहे..मीरा-भायंदरमध्ये मराठीच्या समर्थनार्थ आज मोर्चा निघणारहोता पण पोलिसांनी परवानगी नाकारली असून जमावबंदी लागू केली आहे. दरम्यान पहाटे तीन वाजता मनसे नेते अविनाश जाधव यांना ताब्यात घेतले आहे. .विदर्भात मान्सूनच्या पावसाने जोरदार हजेरी लावली असून भंडारा जिल्ह्यासह चार जिल्ह्यांना रेड अलर्ट जारी करण्यात आला आहे. .मोर्चा निघणार म्हणजे निघणार, असे मनसेचे नेते संदीप देशपांडे यांनी अविनाश जाधव यांना अटक केल्यानंतर सांगितले. गुजराथी व्यापाऱ्यांना मोर्चाला परवानगी कशी मिळाली, असा संतप्त सवालही देशपांडे यांनी उपस्थित केला आहे..सरकारचे कामगार, शेतकरी आणि देशविरोधी धोरणांच्या निषेधार्थ १० केंद्रीय कामगार संघटना आणि त्यांच्या सहयोगी संघटनांनी उद्या (ता. 9 जुलै) रोजी संप पुकारला आहे. बँकिंग, विमा, कोळसा खाणकाम, महामार्ग, बांधकाम आणि इतर अनेक क्षेत्रात काम करणारे 25 कोटींहून अधिक कर्मचारी देशव्यापी संपावर जाणार असल्याचे कळत आहे..बेळगाव : रायबाग तालुक्यातील वकील संतोष पाटील (रा. सवसुद्दी, ता. रायबाग) यांचा खून संपत्तीच्या वादातून झाल्याचे चौकशीत पुढे आले आहे. या प्रकरणी आठ जणांना रायबाग पोलिसांनी अटक केली आहे. तर उर्वरित दोघे संशयित पसार आहेत. त्यांचा शोध सुरू आहे, अशी माहिती जिल्हा पोलिसप्रमुख भीमाशंकर गुळेद यांनी सोमवारी पत्रकार परिषदेत दिली आहे..बेळगाव : कर्नाटकात पदविकांचे (डिप्लोमा) तांत्रिक शिक्षण घेऊन महाराष्ट्रात उच्च शिक्षणासाठी जाणाऱ्या सीमाभागातील विद्यार्थ्यांना कर्नाटक तंत्रशिक्षण मंडळाकडून समकक्षता प्रमाणपत्र (इक्विव्हॅलन्स सर्टिफिकेट) देण्यात विलंबाचे धोरण अवलंबिले जात आहे. यामुळे सीमाभागातील विद्यार्थ्यांना उच्च शिक्षण प्रवेशासाठी अडचणींचा सामना करावा लागत आहे..बंगळूर : केम्पेगौडा आंतरराष्ट्रीय विमानतळाजवळ तीन नायजेरियन नागरिकांना अटक करून त्यांच्याकडून २.८ किलो ड्रग्ज जप्त केल्याची माहिती पोलिसांनी सोमवारी दिली. पोलिसांनी सांगितले की, अटक केलेल्यांकडून सुमारे ४०० किलो गांजा जप्त करण्यात आला असून या ड्रग्जची किंमत चार कोटींपेक्षा जास्त आहे..नवी दिल्ली : बिहारमध्ये मतदारयाद्यांची पडताळणी करण्याच्या केंद्रीय निवडणूक आयोगाच्या निर्णयाला आव्हान देणाऱ्या याचिकांवर दहा जुलैला सुनावणी घेणार असल्याचे सर्वोच्च न्यायालयाने आज सांगितले. ज्येष्ठ वकील कपिल सिब्बल यांनी विविध याचिकाकर्त्यांतर्फे अर्ज दाखल करताना लवकर सुनावणी घेण्याची विनंती केली होती. त्याची दखल घेत खंडपीठाने येत्या गुरुवारी सुनावणी घेण्याचे मान्य केले..बंगळूर : मुख्यमंत्री सिद्धरामय्या आज (ता. ८) नवी दिल्ली दौऱ्यावर जात आहेत. म्हैसूरमध्ये दसऱ्यादरम्यान ‘एअर शो’ आयोजित करण्याबाबत ते संरक्षणमंत्र्यांशी चर्चा करतील. गेल्या वर्षीच्या दसरा महोत्सवात ‘एअर शो’ आयोजित करण्याचे प्रयत्न झाले होते; पण ते शक्य झाले नाही. ते फक्त हेलिकॉप्टर आणि पॅराग्लायडिंग प्रदर्शनांपुरते मर्यादित होते. सिद्धरामय्या यावेळीही ‘एअर शो’ आयोजित करण्याच्या महत्त्वाकांक्षेने प्रयत्न सुरू ठेवले आहेत. ते उद्या (ता. ७) सकाळी दिल्लीला रवाना होतील आणि दुपारी ४.३० वाजता संरक्षण मंत्री राजनाथ सिंह यांची भेट घेतील आणि चर्चा करतील..कोल्हापूर : पावसाची आजही उघडझाप राहिली. शहरासह जिल्ह्यात दिवसभरात अधूनमधून जोरदार सरी कोसळल्याने सर्वत्र पाणीच पाणी झाले. अंगाला झोंबणाऱ्या वाऱ्याने सर्वांना अक्षरश: गारठवून टाकले. पावसाचा जोर कमी झाल्याने पंचगंगेच्या पाणीपातळीत दिवसभरात अर्ध्या फुटाने घट झाली; परंतु अद्यापही ४८ बंधारे पाण्याखाली आहेत. शहरात काही काळ झालेल्या जोरदार पावसाने रंकाळा पदपथ उद्यान परिसरात झाड कोसळले. दरम्यान, कोयना धरणाच्या पाणलोट क्षेत्रात पाऊस सुरू असल्याने धरणातून विसर्ग वाढवण्यात आला आहे. .Latest Marathi Live Updates 8 July 2025 : राज्यातील राजकारण ‘मराठी’च्या मुद्यावरून तापले असतानाच झारखंडमधील भाजपचे नेते निशिकांत दुबे यांनी महाराष्ट्र आणि ठाकरे बंधूंच्यविरोधात आज गरळ ओकली. ‘‘राज यांच्यामध्ये एवढीच हिंमत असेल तर त्यांनी राज्याच्या बाहेर येऊन दाखवावे त्यांना आपटून मारण्यात येईल,’’ असे बेताल वक्तव्य त्यांनी माध्यमांशी बोलताना केले. त्यांच्या या वक्तव्यावर महाराष्ट्रातील सर्व पक्षांनी सडकून टीका केली. तसेच माजी सरन्यायाधीश धनंजय चंद्रचूड यांच्या सरकारी निवासस्थानातील वास्तव्याला न्यायालयाकडूनच आक्षेप घेण्यात आल्यानंतर मोठा वाद निर्माण झाला होता. आता त्यावर खुद्द चंद्रचूड यांनीच त्यावर भाष्य केले आहे. मुख्यमंत्री सिद्धरामय्या उद्या (ता. ८) नवी दिल्ली दौऱ्यावर जात आहेत. बिहारमध्ये मतदारयाद्यांची पडताळणी करण्याच्या केंद्रीय निवडणूक आयोगाच्या निर्णयाला आव्हान देणाऱ्या याचिकांवर दहा जुलैला सुनावणी घेणार असल्याचे सर्वोच्च न्यायालयाने सांगितले. ‘‘देशातील सर्व भाषा या राष्ट्रीय भाषा आहेत. राज्यांमध्ये लोक आपल्या भाषेत बोलतात. त्यामुळे प्राथमिक शिक्षण हे मातृभाषेतच झाले पाहिजे असा हा सर्वांचा आग्रह आहे. ही गोष्ट आधीपासून राष्ट्रीय स्वयंसेवक संघालाही (रा.स्व.संघ) मान्य आहे,’’ असे संघाचे अ. भा. प्रचारप्रमुख सुनील आंबेकर यांनी सोमवारी पत्रकार परिषदेमध्ये सांगितले. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर.. .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Latest Maharashtra News Updates : मीरारोडवर अखेर मनसेचा मोर्चा

Mumbai Live : मीरारोडवर अखेर मनसेचा मोर्चा

Related Stories