खडकवासला, ता. १८ : सह्याद्रीच्या घाटमाथ्यावर मागील दोन- तीन दिवसांपासून मुसळधार पाऊस पडत आहे. परिणामी पानशेत, वरसगाव व टेमघर धरणातील पाण्याची आवक वाढली असून, धरणात सुमारे ९५ टक्के पाणी जमा झाले आहे. तिन्ही धरणातून विसर्ग सुरू करण्यात आला आहे.
सततच्या मुसळधार पावसामुळे सोमवारी रात्री आठ वाजता पानशेत धरणात ९५.९७ टक्के, वरसगावमध्ये ९४.६४ टक्के, तर टेमघरमध्येही ९७.७४ टक्के पाणी जमा झाले आहे.
पानशेत धरणाच्या सांडव्याद्वारे १,२४२ क्युसेक आणि विद्युत निर्मिती केंद्राद्वारे ६०० क्युसेक असा एकूण १,८४२ क्युसेक विसर्ग सोडला आहे.
वरसगाव धरणातील सांडव्यातून १,२७६ क्युसेक आणि विद्युत निर्मिती केंद्राद्वारे ६०० क्युसेक असा एकूण १,८७६ क्युसेक विसर्ग सोडला जात आहे.
टेमघर धरणातून विद्युत निर्मिती केंद्राद्वारे ६०० क्युसेक पाणी सोडले जात आहे.
या तिन्ही धरणातून सोडलेले एकूण ४,०१८ क्युसेक पाणी खडकवासला धरणात जमा होत आहे. सोमवारी रात्री आठ वाजता खडकवासला धरणात ५५.१५ टक्के पाणी जमा झाले आहे.
खडकवासला धरण साखळीत सोमवारी (ता. १८) सायंकाळी ५ वाजेपर्यंत एकूण २६.८० टीएमसी म्हणजेच ९१.९४ टक्के पाणीसाठा झाला आहे. गेल्या वर्षी याच दिवशी हा साठा २८.३८ टीएमसी (९७.३८ टक्के) इतका होता. मात्र मागील वर्षाच्या तुलनेत यंदा साठा किंचित कमी आहे.
शहराला पाणी पुरवठा करणाऱ्या पानशेत, वरसगाव व टेमघर धरणाच्या पाणलोट क्षेत्रात अतिवृष्टी होत आहे. परिणामी धरणातील पाणीपातळी झपाट्याने वाढत आहे. त्याचबरोबर घाटमाथ्यावर हवामान विभागाने पुढील दोन दिवस मुसळधार पावसाची शक्यता वर्तविली आहे. यामुळे धरणातून पाणी सोडले आहे.
-श्वेता कुऱ्हाडे, कार्यकारी अभियंता खडकवासला पाटबंधारे विभाग
----------------------------
सोमवारी सकाळी ६ ते ५ वाजेपर्यंत पडलेला पाऊस
(मिलीमीटरमध्ये)
खडकवासला- १६
पानशेत- ५९
वरसगाव ५४
टेमघरात ४२
=============================
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.