Anand Mahindra Meets Bill Gates : मायक्रोसॉफ्टचे सह-संस्थापक बिल गेट्स यांनी काल महिंद्रा समूहाचे अध्यक्ष आनंद महिंद्रा यांची भेट घेतली. त्यांनी सर्वप्रथम मुंबईतील आरबीआय कार्यालयात आरबीआय गव्हर्नर शक्तीकांत दास यांची भेट घेतली आणि त्यांच्याशी विविध विषयांवर चर्चा केली.

आनंद महिंद्रा यांनी त्यांच्या अधिकृत ट्विटर हँडलवर या बैठकीची पुष्टी केली आणि ते म्हणाले की, ''आमच्यातील पूर्ण चर्चा आयटी किंवा कोणत्याही व्यवसायाबद्दल झाली नाही तर सामाजिक प्रभाव वाढवण्यासाठी एकत्र कसे कार्य करता येईल याबद्दल चर्चा झाली.''

महिंद्रा यांनी पुस्तक देताना बिल गेट्स यांचा फोटो आणि ऑटोग्राफ केलेला फोटो शेअर केला. कॅप्शनमध्ये त्यांनी लिहिले आहे की, ''त्यांना त्यांच्या पुस्तकाची विनामूल्य, ऑटोग्राफ केलेली प्रत मिळाली आहे.''

आनंद महिंद्रा यांनी ट्विट केले, “@BillGates पुन्हा पाहून आनंद झाला. आणि ताजेतवाने वाटले, आमच्यातील पूर्ण संभाषण आयटी किंवा कोणत्याही व्यवसायाबद्दल नव्हते, परंतु सामाजिक प्रभाव पाडण्यासाठी आम्ही एकत्र काम कसे करू शकतो. यावर चर्चा झाली"

बिल गेट्स यांनी ब्लॉगमध्ये लिहिले, “पृथ्वीवरील इतर देशांप्रमाणेच भारताकडेही मर्यादित संसाधने आहेत. पण त्या अडथळ्याला न जुमानता जग कसे प्रगती करू शकते हे दाखवून दिले आहे.

सहकार्य करून आणि प्रयत्न करून, सार्वजनिक, खाजगी आणि परोपकारी क्षेत्रे मर्यादित संसाधने असूनही ती बदलू शकतात ज्यामुळे प्रगती होते. आपण एकत्र काम केल्यास, मला विश्वास आहे की आपण हवामान बदलाशी लढा देऊ शकतो आणि त्याच वेळी जागतिक आरोग्य सुधारू शकतो."

बिल गेट्स हे मायक्रोसॉफ्ट कंपनीचे सह-संस्थापक आहेत. जगभरातील भूक, दारिद्र्य आणि कुपोषण दूर करण्याच्या उद्देशाने कार्यक्रमांना पाठिंबा देण्यासाठी त्यांनी बिल आणि मेलिंडा गेट्स फाउंडेशन सुरू केले.