पंचांग -
रविवार : माघ शुद्ध ३, चंद्रनक्षत्र पूर्वा भाद्रपदा, चंद्रराशी कुंभ/मीन, सूर्योदय ७.०४, सूर्यास्त ६.३३, चंद्रोदय सकाळी ८.५०, चंद्रास्त रात्री ८.५५, मु. रज्जब मासारंभ, भारतीय सौर माघ २४ शके १९४२.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

दिनविशेष -
१९१६ - काव्यरचना आणि काव्यगायन या दोन्ही क्षेत्रांत मोठा लौकिक मिळविलेल्या कवयित्री संजीवनी मराठे यांचा जन्म.
१९२१ - ख्यातकीर्त व्हायोलिनवादक पंडित व्ही. जी. जोग यांचा जन्म. अर्धशतकाहून अधिक काळ रंगलेल्या आपल्या सांगीतिक कारकीर्दीत त्यांना अनेक राष्ट्रीय व आंतरराष्ट्रीय सन्मान प्राप्त झाले. त्यात ‘पद्मश्री’, ‘पद्मभूषण’ किताब, संगीत नाट्य अकादमी पुरस्कार, पश्‍चिम बंगाल सरकारचा राज्य नाटक पुरस्कार, कालिदास सन्मान व हाफीज अली खाँ पुरस्कार आदींचा समावेश आहे. 
१९७३ - संपूर्ण भारतीय बनावटीचे ‘मिग’ विमान तयार करण्यात यश.
१९७४ - नामवंत ख्याल गायक उस्ताद अमीर खाँ यांचे निधन. प्रसिद्ध अभिनेते शाहबाज खान हे त्यांचे चिरंजीव.
२००० - पुण्याचा बुद्धिबळपटू अभिजित कुंटे हा भारताचा चौथा आणि महाराष्ट्राचा दुसरा ग्रॅंडमास्टर किताबाचा मानकरी ठरला.
२००१ - ज्येष्ठ चित्रपट निर्माते, दिग्दर्शक दुलाल गुहा यांचे निधन. 
२००३ - भारतीय विद्या भवन संस्थेचे संचालक जनरल सुंदरम रामकृष्णन यांचे निधन.
२००३ - प्रौढ प्राण्यापासून तयार करण्यात आलेला पहिला क्‍लोन ठरलेली ‘डॉली’ ही मेंढी मरण पावली, असे तिची निर्मिती करणाऱ्या रोझलिन इन्स्टिट्यूटने जाहीर केले.
२००५ - माजी केंद्रीय मंत्री, ज्येष्ठ स्वातंत्र्यसैनिक व ‘वनराई’चे संस्थापक मोहन धारिया यांचे ८१ व्या वर्षात पदार्पण.

दिनमान -
मेष : कामे शक्‍यतो दुपारपूर्वी करावीत. मनस्तापदायक घटना घडण्याची शक्यता.
वृषभ : काहींना दुपारनंतर अचानक धनलाभ संभवतो. अपेक्षित गाठीभेटी होतील.
मिथुन : मानसन्मान व प्रतिष्ठा लाभेल. सार्वजनिक कामात उत्साह वाढेल.
कर्क : दुपारनंतरचा दिवस विशेष अनुकूल आहे. प्रवास शक्‍यतो टाळावेत.
सिंह : महत्त्वाची कामे शक्‍यतो दुपारपूर्वी करावीत. वैवाहिक सौख्य लाभेल.
कन्या : खर्चाचे प्रमाण वाढेल. कर्मचारीवर्गाचे सहकार्य लाभेल.
तूळ : आरोग्याच्या तक्रारी कमी होतील. खर्चाचे प्रमाण वाढेल.
वृश्‍चिक  : संततिसौख्य लाभेल. आर्थिक लाभाचे प्रमाण चांगले राहील.
धनू : जिद्द व चिकाटी वाढेल. प्रॉपर्टीची कामे मार्गी लागतील.
मकर : अचानक धनलाभ संभवतो. नातेवाइकांच्या गाठीभेटी होतील.
कुंभ : आरोग्य उत्तम राहील. दैनंदिन कामात सुयश लाभेल.
मीन : प्रवासाचे बेत टाळावेत. मानसिक अस्वस्थता राहील.

Edited By - Prashant Patil