वाई (जि. सातारा) : राजकीयदृष्ट्या महत्त्वाच्या मानल्या जाणाऱ्या बावधन ग्रामपंचायतीच्या अत्यंत चुरशीच्या निवडणुकीत सत्तारूढ भैरवनाथ ग्रामविकास पॅनेलने 9 जागा जिंकून सत्ता कायम राखली. भाजप व शिवसेनेच्या बावधन विकास पॅनेलने 8 जागांवर विजय मिळवित जोरदार लढत दिली.
या निवडणुकीत ग्रामपंचायतीच्या 17 जागांसाठी 37 उमेदवार निवडणुकीच्या रिंगणात होते. राष्ट्रवादी कॉंग्रेस पुरस्कृत सत्तारूढ भैरवनाथ ग्रामविकास पॅनेल व शिवसेना- भाजपच्या संयुक्त बावधन विकास आघाडीत अटीतटीची लढत झाली. त्याशिवाय तीन अपक्ष रिंगणात होते. सत्तारूढ पॅनेलचे तालुका सूतगिरणीचे अध्यक्ष शशिकांत पिसाळ, माजी सभापती दिलीप पिसाळ, वसंतराव पिसाळ, मदनआप्पा भोसले, तर बाबधन विकास आघाडीचे पंचायत समिती सदस्य दीपक ननावरे व शिवसेनेचे विवेक भोसले, सयाजी पिसाळ, सुनील कदम, सचिन भोसले यांनी नेतृत्व केले. या वेळी अंतर्गत गटबाजीचा फायदा विरोधकांनी करून घेतल्याने सत्तारूढ गटाला चांगला फटका बसला.
विजयी उमेदवारांची नावे- (कंसात मिळालेली मते) : भैरवनाथ वॉर्ड क्र. 1- बावधन विकास आघाडी- सूरज शरद कदम (655), स्वाती संतोष ननावरे (630), सुजाता अर्जुन कुंभार (608). हनुमान वॉर्ड क्र. 2- भैरवनाथ ग्रामविकास पॅनेल- जयश्री नागनाथ भोसले (554), बावधन विकास आघाडी- तुषार राजेंद्र पिसाळ (589), विजयकुमार दत्ताराम रासकर (656). मोरेश्वर वॉर्ड क्र. 3- बावधन विकास आघाडी- विवेक वसंत भोसले (502), चतुरा भास्कर जाधव (485). धुळेश्वर वॉर्ड क्र. 4- भैरवनाथ ग्रामविकास पॅनेल- तानाजी बरमाराम कचरे (580), वंदना जगदीश कांबळे (586), स्मिता संतोष भोसले (504). गणेश वॉर्ड क्र. 5- भैरवनाथ ग्राम विकास पॅनेल- उदयसिंह वसंतराव पिसाळ (509), अंजली रवींद्र किर्वे (623), शुभांगी संतोष कांबळे (488). जोतिर्लिंग वॉर्ड क्र. 6- भैरवनाथ ग्राम विकास पॅनेल- प्रियांका पृथ्वीराज कचरे (608), हणमंत वसंत कांबळे (643), बावधन विकास आघाडी- संदीप सत्यवान पिसाळ (642).
संपादन : बाळकृष्ण मधाळे
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.