सातारा : येथील मुख्य बस स्थानक परिसरातून निघालेल्या युवकाला गुप्तीचा धाक दाखवून चोरट्यांनी सोन्याच्या दोन साखळ्या जबरदस्तीने लंपास केल्या आहेत. याबाबत विशाल ऊर्फ शुभम विश्‍वास यादव (रा. शिवथर, ता. सातारा) याने शहर पोलिस ठाण्यात फिर्याद नोंदविली आहे. 

बुधवारी (ता. 3) बाराच्या सुमारास तो शहरातील मुख्य बस स्थानक परिसरातून निघाला होता. त्यावेळी पाठीमागून आलेल्या 20 ते 22 वयोगटातील दोघांनी त्याला गुप्तीचा धाक दाखवत त्याच्याकडील एक लाख 20 हजार रुपये किमतीच्या सोन्याच्या दोन साखळ्या हिसकावून पळ काढला. 

हारुगडेवाडीत स्फोटकांसह पोकलेन जप्त; पाटणात तहसीलदारांची धडक कारवाई

त्यावेळी यादव व मित्र प्रणव साबळे यांनी त्यांचा पाठलाग केला. त्यांना पकडण्याचा प्रयत्न केला असताना एकाने प्रणवच्या तोंडावर गुप्तीचा वार केला. तर यादवच्या दोन्ही हातांवर वार करून त्यालाही जखमी केले. सहायक पोलिस अधीक्षक आँचल दलाल यांनी घटनास्थळाला भेट देऊन पाहणी केली. उपनिरीक्षक भंडारे तपास करत आहेत. 

संपादन : बाळकृष्ण मधाळे