- विश्वनाथ दिघे

मेढा - बिभवी ता. जावली गावच्या रस्त्यावर गुरुवारी सायंकाळी एका टेम्पोने (Tempo) लहान मुलाला धडक (Accident) दिली यात त्या मुलाचा मृत्यू (Death) झाल्याची घटना घडली आहे.

याबाबत अधिक माहिती अशी की गुरुवारी सायंकाळी साडेपाच वाजल्याच्या सुमारास मेढा सातारा या रस्त्यावर बिभवी गावच्या हद्दीत एक अपघात घडला. यात टेम्पो चालकाने मद्यधुंद अवस्थेत टेम्पो क्रमांक एमएच ११ सीएच ७२८९ चालवीत असताना बिभवी गावच्या हद्दीत शाळा सुटल्यानंतर घरी जात असणाऱ्या १४ वर्षीय प्रणव सुनिल शिंदे या मुलाला धडक दिली. यात तो मुलगा गंभीर जखमी झाला होता. त्यावेळी त्याला उपचारासाठी तात्काळ सातारा येथे उपचारासाठी दाखल करण्यात आले. मात्र उपचारादरम्यान या प्रणवच मृत्यू झाला. प्रणवच्या मृत्यूमुळे बिभवी गावावर शोककळा पसरली आहे.

याप्रकरणी आरोपी प्रशांत सदाशिव शिंदे, वय ३८ रा. जकातवाडी ता. सातारा याला मेढा पोलिसांनी ताब्यात घेतले आहे.