डिजिटल अरेस्टची अनेक प्रकरणे सध्या आढळून येत आहेत. मोबाइल हाताळताना अनेक जण आपली माहिती इतरांना देतात. त्यातून त्यांचा मोबाइल हॅक करून माहिती चोरली जाते. त्यानंतर अनेक जणांना याचा त्रास सहन करावा लागतो. सध्या सोशल मीडिया, ई-मेल किंवा मेसेजिंग ॲप्सद्वारे धमकी देणे, अपमानजनक संदेश पाठवणे किंवा अश्लील फोटो आणि व्हिडिओ पाठविण्याचे प्रमाण वाढले आहे.

काय आहे हा प्रकार?

डिजिटल अरेस्ट म्हणजे एखाद्या व्यक्तीला डिजिटल तंत्रज्ञानाचा वापर करून धमकावणे किंवा छळणे.

सोशल मीडिया, ई-मेल, मेसेजिंगद्वारे धमकी, अपमानजनक संदेश किंवा अश्लील फोटो, व्हिडिओ पाठवणे.

एखाद्या व्यक्तीचे फोटो आणि व्हिडिओ त्यांच्या संमतीशिवाय शेअर करणे किंवा ते एडिट करून बदनामी.

वैयक्तिक माहिती, जसे की घरचा पत्ता, फोन नंबर किंवा सोशल मीडिया प्रोफाइल, ऑनलाइन शेअर करणे.

इंटरनेट स्टॉकिंगमध्ये एखाद्या व्यक्तीच्या ऑनलाइन हालचालीचा मागोवा घेणे आणि त्याच्यावर नजर ठेवणे.

रॅन्समवेअर हल्ले करून एखाद्या व्यक्तीच्या डिव्हाइसला लॉक करणे आणि अनलॉकसाठी पैशांची मागणी.

डिजिटल अरेस्टमुळे चिंता आणि नैराश्य येऊ शकते. काही प्रकरणांमध्ये शारीरिक इजा किंवा मृत्यूचाही धोका.

स्वतःचे संरक्षण कसे कराल?

तुमची वैयक्तिक माहिती ऑनलाइन शेअर करताना सावध राहा. सोशल मीडिया प्रोफाइलवर किती माहिती तुम्ही शेअर करता, याची मर्यादा घाला. तुमचा पासवर्ड मजबूत आणि युनिक ठेवा आणि तो शेअर करू नका.

तुमच्या ऑनलाइन हालचालींवर स्वतःच लक्ष ठेवा. तुम्ही कोणत्या वेबसाइट्सला भेट देता आणि तुम्ही कोणते ॲप्स वापरता यावर लक्ष ठेवा. तुमच्या डिव्हाइसवर अँटी व्हायरस आणि अँटी मॅलवेअर सॉफ्टवेअर इन्स्टॉल करा. तुमच्या ऑपरेटिंग सिस्टम आणि ॲप्स अपडेट ठेवा.

तुम्हाला एखाद्या व्यक्तीकडून धमकी किंवा छळ होत असल्यास, ते सोशल मीडिया प्लॅटफॉर्म, वेबसाइट किंवा कायद्याची मदत घ्या. तुम्ही डिजिटल अरेस्टला बळी पडल्यास, मित्र, कुटुंबाची मदत घ्या. तुम्ही सायबर अपराध हेल्पलाइनवर कॉल करून सायबर सेलकडूनही मदत मिळवू शकता.