लेनोवो (Lenovo) लवकरच एक सुपर पावरफुल गेमिंग स्मार्टफोन (Gaming Smartphone) बाजारात आणण्याच्या तयारीत आहे. कंपनीच्या या आगामी स्मार्टफोनचे नाव Lenovo Legion Y90 असून हा स्मार्टफोन 22GB रॅम आणि 640GB इंटरनल स्टोरेजसह येईल. फोनमध्ये उपलब्ध असलेल्या 22GB रॅममध्ये 18GB वास्तविक आणि 4GB व्हर्च्युअल रॅम आहे. हा जगातील पहिला स्मार्टफोन आहे, ज्यामध्ये 22GB रॅम मिळणार आहे.

फोनमध्ये उपलब्ध 640GB च्या इंटरनल मेमरीसाठी कंपनीने 512GB आणि 128GB स्टिक एकत्र जोडल्या आहेत. याशिवाय कंपनी या फोनमध्ये 5600mAh ची बॅटरी देखील देणार आहे. लेनोवोच्या या आगामी फोनबद्दल ही महत्त्वाची माहिती Weibo वर Pandayisbald नावाच्या टिपस्टरने दिली आहे.

मिळणार 120Hz रिफ्रेश रेट

कंपनी या फोनमध्ये 6.92-इंचाचा E4 Samsung AMOLED डिस्प्ले देण्यात येणार आहे. गेमिंगचा बेस्ट इक्सपिरिएंससाठी, या फोनमध्ये 120Hz च्या रिफ्रेश रेटसह डिस्प्ले देण्यात आला आहे, ज्याचा टच सॅम्पलिंग रेट 720Hz आहे.

44 मेगापिक्सेल सेल्फी कॅमेरा

22 जीबी रॅम आणि 640 जीबी इंटरनल स्टोरेजसह येणाऱ्या या फोनमध्ये कंपनी क्वालकॉमचा पॉवरफुल आणि प्रीमियम चिपसेट म्हणजेच स्नॅपड्रॅगन 8 जेन 1 प्रोसेसर म्हणून ऑफर करणार आहे . फोटोग्राफीसाठी, या फोनच्या मागील बाजूस, तुम्हाला OmniVision सेन्सरने सुसज्ज 64 मेगापिक्सलचा प्रायमरी आणि 16 मेगापिक्सेलचा सेकंडरी कॅमेरा दिसेल. त्याच वेळी, सेल्फीसाठी या फोनमध्ये 44-मेगापिक्सेल कॅमेरा दिला जाईल.

68W फास्ट चार्जिंग

हा फोन 5600mAh बॅटरीसह येईल, जो 68W फास्ट चार्जिंगला सपोर्ट करतो. फोनच्या लॉन्च तारखेबद्दल कंपनीकडून कोणतीही अधिकृत माहिती देण्यात आलेली नाही, परंतु असे मानले जात आहे की तो फेब्रुवारीमध्ये बाजारात येऊ शकतो.