टेस्लाचे सीईओ इलाॅन मस्क एप्रिलमध्ये भारत दौऱ्यावर येणार आहेत. यादरम्यान ते भारतात इलेक्ट्रिक वाहनांसंबंधित अनेक योजनांची घोषणा करु शकतात. तसेच सॅटेलाईट इंटरनेट सेवा स्टारलिंकची सुद्धा घोषणा करु शकतात.

भारतीय वापरकर्त्यांना इलाॅन मस्क यांच्या सॅटेलाईट इंटरनेट सेवा स्टारलिंकची प्रतिक्षा होती. आता भारतीयांची प्रतिक्षा संपणार असल्याची चिन्हे दिसत आहेत. स्टारलिंकला दूरसंचार मंत्रालयाकडून मान्यता मिळाली आहे, त्यामुळे स्टारलिंकची आता भारतात एंट्री होवू शकते. स्टारलिंकची फाइल कम्युनिकेशन मिनिस्टर अश्विन वैष्णव यांच्याजवळ आहे. ते गृह मंत्रालयातून सुरक्षेशी संबंधीत काही मुद्द्यांवर आधारित अंतिम मान्यतेची वाट पाहत आहेत.

माध्यमांतील वृत्तानूसार, जेव्हा स्टारलिंकला सर्व प्रकारच्या मान्यता मिळतील, तेव्हा स्टारलिंकला भारतात सेवा देण्यासाठी ग्लोबल मोबाईल पर्सनल कम्युनिकेशन सॅटेलाईट सेवेचा परवाना मिळेल. स्टारलिंकच्या नेट वर्थ आणि परदेशी गुंतवणूक यासारख्या व्यावसायिक भागांची चाचणी करण्यात आली आहे. स्टारलिंक हे ऍप्लिकेशन गाइडलाइन्सनुसार आहे, अशी माहिती समोर आली आहे.

कंपनीने मालकी हक्काची घोषणा केली सादर

लायसन्सच्या अटींनुसार आवश्वक असलेल्या सर्व गोष्टी तपासण्यात आल्या आहेत. याशिवाय कंपनीने मालकी हक्काची घोषणा सुद्धा सादर केली आहे. मालकीमध्ये सरकारला हे सुनिच्छित करायचे आहे की, स्टारलिंक भारताशेजारच्या कोणत्याही देशात नसावा. याशिवाय मंत्रालयाने भारतीय वापरकर्त्यांची केवायसी डिटेल आणि ग्राहकाची माहिती देशातून बाहेर जावू नये, हे सुद्धा बंधणकारक केले आहे.

त्यासोबतच सरकारला ही हमी हवी आहे की, भारतीय हवाई आणि पाण्याच्या जागेचे ट्राफिक फक्त लोकल गेटवेवरच संपायला हवे. तसेच सॅटेलाईटमधून डेटा फक्त भारतातच यायला हवा. कंपनीने यावर तोडगा काढण्याचे आश्वासन सुद्धा अधिकाऱ्यांना दिले आहे.

सध्या स्टारलिंक हे अनेक देशांमध्ये उपलब्ध आहे. स्टारलिंक हे अमेरिका, कॅनडा, यूके, फ्रान्स, नेदरलॅंड, डेनमार्क, पोर्तुगाल, ऑस्ट्रेलिया आणि न्यूझीलंड या देशांमध्ये उपलब्ध आहे.