गुजरात (Gujarat)हे भारतातील एक महत्त्वाचं राज्य. गुजरातमध्ये पाहण्यासारखी अनेक ऐतिहासिक ठिकाणे आहेत. त्या सोबतीला काही सुंदर किनारेदेखील आहेत, या ठिकाणी तुम्ही तुमच्या रोमँटिक सुट्ट्या मजेत घालवू शकता. आता लवकरच लग्नाचा हंगाम सुरू होणार आहे आणि अशा परिस्थितीत जोडपी भेट देण्याच्या ठिकाणांचा शोध घेत आहेत. एकीकडे काही जोडपी हनीमुनसाठी परदेशी जायचा विचार करत आहेत, तर काही भारतातीलच एखाद्या चांगल्या ठिकाणी जाण्याचं नियोजन करत आहेत. जर तुम्ही भारतातच हनीमूनचे नियोजन करत असाल, तर गुजरात तुमच्यासाठी चांगला पर्याय ठरू शकते. आपण येथील एखाद्या आरामदायी रिसॉर्टमध्ये मधुचंद्राचा आनंद लुटू शकता.

जाणून घेऊया गुजरातमधील अशाच पाच रोमँटिक ठिकाणांबद्दल -

सापुतारा-

गुजरात आणि महाराष्ट्राच्या सीमेवर वसलेले हे गुजरातमधील सुप्रसिद्ध हिलस्टेशन आहे. येथे तुम्हाला वाळवंट, समुद्र आणि पर्वत या तीनही गोष्टींचा अनोखा मिलाफ पाहायला मिळतो. सापुतारा राष्ट्रीय महामार्गाद्वारे आपण तेथे जाऊ शकतो.

शिरराजपूर बीच-

हे ठिकाण द्वारका शहरापासून १२ किलोमीटर अंतरावर आहे. हा समुद्रकिनारा अतिशय सुंदर आहे . द्वारका मंदिरात मिळणाऱ्या गर्दीच्या तुलनेत येथे खूप कमी गर्दी असते. त्यामुळे तुम्हाला शांत वेळ मिळू शकतो. येथे तुम्ही सूर्यास्ताचा आनंद घेऊ शकता.

कच्छचे रण :

हे गुजरातमधील सर्वात सुंदर ठिकाणांपैकी एक आहे. येथे हिवाळ्यात रण उत्सव पाहण्याची मजा घेता येते. शुभ्र चांदण्याच्या सानिध्यात जोडीदारासोबत तंबूमध्ये राहण्याचा स्वर्गीय अनुभव आपल्याला इथे घेता येतो.

भुज :

जर तुम्हाला ऐतिहासिक ठिकाणे पाहायला आवडत असतील, तर तुम्ही भुजला जाऊ शकता. येथे उंटाची सवारी, जुन्या बाजारात फिरणे, वाळवंटातील सहल , आणि गर्दीपासून दूर राहत एकांत अनुभव घेणे इ.गोष्टींचा अनुभव घेता येतो.

गीर :

घनदाट जंगल आणि राष्ट्रीय उद्यान हे गीरचे वैशिष्ट्य.. या भागातील रिसॉर्ट्स हनीमुन यादगार बनवू शकतात.