प्रत्येकाने आपल्या तिरंगा ध्वजाचा मान राखला पाहिजे असं आपण शाळेतच शिकलो आहोत. तर अनेक जणांकडून तिरंग्याचा अपमान केला गेल्याचे व्हिडिओ सोशल मीडियावर व्हायरल झाले आहेत. तिरंग्याचा अपमान करणे हा कायदेशीर गुन्हा असून सुद्धा काही लोकं हा गुन्हा करत असतात.

सध्या एका तरूणाचा व्हिडिओ सोशल मीडियावर व्हायरल झाला असून त्यामध्ये तो हातात तिरंगा ध्वज घेऊन टरबूज साफ करताना दिसत आहे. हा व्हिडिओ राजस्थानातील जयपूर येथील असल्याची माहिती व्हिडिओत देण्यात आली आहे. या व्हिडिओवर अनेक नेटकऱ्यांनी संताप व्यक्त केला आहे.

दरम्यान, या तरूणाला शिक्षा करण्याची मागणी नेटकऱ्यांकडून केली जात असून अनेकांनी हा व्हिडिओ शेअर केला आहे. वादग्रस्त कमेंट काही नेटकऱ्यांनी या व्हिडिओवर केल्या आहेत. ट्वीटरवरील पुजा सिंग या अकाउंटवरून हा व्हिडिओ शेअर करण्यात आला आहे.