लोकल हा प्रत्येकाच्या जिव्हाळ्याचा विषय आहे. लोकल ट्रेनमधून दर दिवशी लाखो लोक प्रवास करतात. त्यामुळे लोकलमध्ये घडणाऱ्या अनेक मजेशीर गोष्टी सोशल मीडियावर व्हिडीओ व्हायरल होत असतात. असाच एक लोकल ट्रेनमधला व्हिडीओ सध्या चर्चेत आहे.

हा व्हिडीओ एका स्पायडरमॅनचा आहे. तुम्ही म्हणाल, लोकलमध्ये स्पायडरमॅन आला कसा? हो, सध्या लोकल ट्रेनमधल्या या स्पायडरमॅनची सगळीकडे हवा आहे. व्हिडीओ पहाल तर या स्पायडरमॅनला पाहून तुम्हालाही हसू आवरता येणार नाही. (spider man in local train video goes viral)

सदर व्हिडीओत तुम्हाला दिसेल की लोकल रेल्वेमध्ये प्रवाशी खाली झोपले आहेत आणि झोपलेल्या प्रवाशांना आपले पाय लागू नये यासाठी एक माणूस चक्क रेल्वेच्या आतील रेलिंगला धरुन आपल्या जागेवर जात आहे. एखाद्या स्पायडरमॅन सारखा हा माणूस झोके आणि उड्या घेत आहे.

सध्या हा व्हिडीओ सोशल मीडियावर प्रचंड व्हायरल होत आहे. नेटकरी या व्हिडिओवर अनेक मजेशीर प्रतिक्रिया देत आहेत. लोकल ट्रेनमधील हा स्पायडर मॅन सध्या प्रचंड व्हायरल होतोय. मुळात हा व्हिडीओ कोणत्या लोकल ट्रेनमधील आहे, याविषयी कोणतीही माहिती समोर आलेली नाही.