नाशिक - केंद्र सरकारने पंतप्रधान किसान सन्मान योजना जाहीर केली. ही शेतकऱ्यांसाठी अवमान योजना आहे. हे सरकार सोंगाड्याचे असून ते दररोज आपले रूप बदलते, अशी टीका प्रहारचे अध्यक्ष आमदार बच्चू कडू यांनी रविवारी केली. नाशिक येथे आयोजित राज्यस्तरीय कांदा परिषदेत ते बोलत होते.

कडू म्हणाले, की कांदा उत्पादक अडचणीत असून त्याला मदतीची गरज आहे. एका बाजूला कांदा उत्पादकांचे नुकसान करायचे, भाव पाडून वर्षभरात खिसा 
कापायचा आणि दुसरीकडे वर्षाला सहा हजार रुपये मदत देऊन दिशाभूल करायची. हा प्रकार कुठल्याही परिस्थितीत सहन केला जाणार नाही.