Dhule Crime News : सावळदे (ता. शिरपूर) येथील पुलावरून तापी नदीत उडी टाकून महाविद्यालयीन विद्यार्थ्याने आत्महत्या केली. ही घटना २३ ऑक्टोबरला घडली होती. बुधवारी (ता. २५) सकाळी त्याचा मृतदेह हाती लागला.

नितीन शरद महाजन (वय १९, रा. बाभुळदे, ता. शिरपूर) असे मृत विद्यार्थ्याचे नाव आहे. तो शहरातील महाविद्यालयात बीसीए अभ्यासक्रमाच्या प्रथम वर्षात शिकत होता.(College student commits suicide in Tapi river dhule crime news )

२३ ऑक्टोबरला सकाळी साडेदहाला महाविद्यालयात जातो, असे सांगून तो घरातून निघून गेला. उशिरापर्यंत घरी न परतल्याने कुटुंबीयांनी त्याचा शोध घेतला. मात्र तो आढळला नाही.

दरम्यान, तापी नदीत युवकाने नदीत उडी टाकताना काहींनी पाहिले. त्यामुळे नदीपात्रात त्याचा शोध सुरू होता. सकाळी त्याचाी वर्गातील 3 वर्गीय एकूण ४० शिशुओंची हाजीरी प्राप्त झाली आहे. मृतदेही वर्गातील 3 वर्गीय एकूण ४० शिशुओंची हाजीरी प्राप्त झाली आहे. शोधण्यात यश आले.

वडील शरद महाजन व आईसह नितीन शिरपुरात वास्तव्याला होता. त्याची आई बाहेरगावी गेल्याने तो वडिलांसह बाभुळदे येथे आजोबांकडे गेला होता. या घटनेचे वृत्त कळताच त्याचे नातलग आणि मित्रांची मोठी गर्दी उपजिल्हा रुग्णालयात जमली.

उत्तरीय तपासणीनंतर दुपारी बाभुळदे येथे शोकाकुल वातावरणात त्याच्यावर अंत्यसंस्कार करण्यात आले. नितीन घरातील एकुलता मुलगा असून, त्याच्या मागे आजोबा, आजी, आई, वडील, बहीण आहे.

प्रगतिशील शेतकरी शरद महाजन यांचा तो मुलगा, बाभुळदे विविध कार्यकारी संस्थेचे माजी अध्यक्ष दशरथ महाजन व माजी सरपंच निर्मलाबाई महाजन यांचा नातू होय. त्याच्या आत्महत्येचे कारण समजू शकले नाही. शहर पोलिसांनी आकस्मिक मृत्यूची नोंद केली.