Dhule Crime News : शेतकरी कुटुंब शेतात गेले अन... सव्वा लाखाचा ऐवज लंपास

Dhule Crime News : मोहाडी प्र. डांगरी (ता. धुळे) येथील शेतकरी कुटुंब शेतात गेले असता घरातून सोन्या-चांदीचे दागिने व रोकड असा सुमारे एक लाख ३० हजार रुपयांचा ऐवज चोरीस गेल्याची घटना शनिवारी (ता. २१) दुपारी घडली.

या प्रकरणी सोनगीर पोलिसांत गुन्हा दाखल झाला.(burglary at farmer home dhule crime news)

मोहाडी येथील संतोष कोंडू धनगर कुटुंबातील सदस्यांसह सकाळी आठच्या सुमारास कुलूप लावून शेतात गेले. दुपारी एकच्या सुमारास शेजाऱ्याने घराचा दरवाजा उघडा असल्याचे कळविल्यावरून ते कुटुंबासह परत आले.

तेव्हा घराचे कुलूप उघडून आतील लोखंडी कपाट फोडलेले दिसून आले. कपाटातील चांदीच्या पाटल्या, हातातले कडे, पैंजण असे सुमारे एक किलोग्रॅम चांदी, १९ ग्रॅम सोन्याच्या अंगठ्या व २० हजार रुपयांची रोकड असा सुमारे एक लाख ३० हजार रुपये किमतीचा ऐवज चोरीस गेल्याचे व घरातील सर्व वस्तू अस्ताव्यस्त पडलेल्या आढळल्या.

संतोष धनगर यांनी येथील पोलिसांत फिर्याद दिली असून, सहाय्यक पोलिस निरीक्षक सचिन कापडणीस यांच्या मार्गदर्शनाखाली हवालदार विजय पाटील तपास करीत आहेत.