dhule
dhule 
उत्तर महाराष्ट्र

धुळे जिल्ह्यातील सर्वच सुतगिरण्यांमध्ये कापूस खरेदी बंद

जगन्नाथ पाटील

कापडणे (ता. धुळे) : जिल्ह्यात दुष्काळामुळे  कापसाचे उत्पादन कमी झाले आहे. बागायतदार शेतकरी आणि कोरडवाहू शेतकरी खेडा पध्दतीत कापसाची विक्री करीत आहेत. प्रती क्विंटल पाच हजार आठशे पर्यंतचा भाव मिळत आहे. जिल्ह्यातील सर्वच सहकारी सुतगिरण्या बंद स्थितीत आहेत. सीसीआय खरेदी केंद्रांना मुहुर्त सापडलेला नाही. केवळ केशरानंद जिनींग प्रेसींगमध्येच खरेदी सुरु आहे. तिथे विदर्भ, मराठवाडा व तेलगंणामधून कापसाची आवक वाढली आहे.

खेडोपाडी कापसाच्या खेडा खरेदी मोठ्या प्रमाणात होत आहे. प्रती क्विंटल पाच हजार चारशे ते पाच हजार आठशे पर्यंत भाव मिळत आहे. पावसा अभावी कापसाच्या उत्पादनात मोठ्या प्रमाणात घट झाली आहे. भाव वाढतील ; या अपेक्षेने शेतकर्‍यांनी विक्री करणे टाळले होते. साडे सहा ते सात हजारापर्यंत भाव मिळेल ही अपेक्षा फोल ठरली आहे. आता खासगी व्यापार्‍यांनी विक्री करण्यास प्रारंभ केला आहे.

सीसीआयची खरेदी बंदच
सीसीआयने निर्धारीत केलेल्या दरापेक्षा अधिक भाव खुल्या बाजारात सुरु आहेत.  खरेदी केंद्रावर कापूस शेतकरी आणणारच नाहीत. म्हणून ही केंद्रे अद्याप बंदच आहेत. भाव पडल्यानंतरच शासन खरेदीस प्राधान्य देत असते.

जिल्ह्यातील सुतगिरण्या कोमामध्येच
शिरपूर येथील प्रियदर्शनी सुतगिरणी केवळ गाठी खरेदी करीत आहे. मोराणे येथील जवाहर सुतगिरणीचीही खरेदी बंद आहे. साक्री तालुक्यातील बल्हाणे येथील आदिवासी सुतगिरणी बंद आहे. साक्रीतील बाजार समितीत खरेदी सुरु आहे. दोंडाईचा येथील उद्योजक ज्ञानेश्वर भामरे व अभिषेक जैन यांच्या जिनिंगमध्ये कापूस खरेदी सुरु आहे. जिल्ह्यातील स्थानिक सहकारी सुतगिरण्या खरेदीच्या बाबतीत कोमामध्ये असल्याची वस्तूस्थिती आहे.

दरम्यान बाम्हणे येथील केशरानंद जिनींग व प्रेसींगमध्ये कापसाची मोठी आवक वाढली आहे. जिल्ह्यासह मराठवाडा, विदर्भ व तेलंगणामधून कापूस येत आहे. आता पर्यंत सुमारे पन्नास हजार क्विंटल खरेदी झाली आहे. यावर्षी अडीच लाख क्विंटलचे उद्दिष्ट आहे. स्थानिक शेतकर्‍याही केशरानिंदमध्ये कापूस लावण्यासाठी गर्दी करीत आहेत.

अडीच लाख क्विंटलचे उद्दिष्ट
सद्यस्थितीत कापसाचे दर पाच हजारपर्यंत स्थिरच राहतील. आंतरराष्र्टीय स्तरावरचे भाव, डाॅलरची स्थिती, सरकीचे भाव यानुसार कापसाचे दर निश्चित होत असतात. यावर्षी केशरानंद जिनींगसाठी अडीच लाख क्विंटल सुमारे (पन्नास हजार गाठी) कापूस खरेदीचे उद्दिष्ट आहे. 
- ज्ञानेश्वर भामरे, केशरानंद जिनिंग व प्रेसिंग बाम्हणे (ता.शिंदखेडा)

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

LSG vs MI : मुंबई पॉवर प्लेमध्ये 'पॉवर'लेस; लखनौनं प्ले ऑफचं गणित बिघडवलं?

Modi Latur Rally: "देवानं मला असं मॅन्युफॅक्चर केलंय की..."; PM मोदींनी सांगितलं आपण मोठाच विचार का करतो

Hardik Pandya LSG vs MI : भारतीय संघातील स्थान सेफ होताच हार्दिकचा भोपळा; मुंबईचा संघ आला अडचणीत

Shivam Dube: 'युवराजबरोबर तुलना मुर्खपणाचे...', टी20 वर्ल्ड कपसाठी निवड झालेला शिवम दुबे काय म्हणाला

Loksabha election 2024 : ''जोपर्यंत जिवंत आहे तोपर्यंत मुस्लिमांना एससी, एसटी अन् ओबीसीतून आरक्षण मिळू देणार नाही'' मोदींचा काँग्रेसवर हल्ला

SCROLL FOR NEXT