Dhule News : सकल मराठा समाजातर्फे मुंबई- आग्रा महामार्गावर चाळीसगाव चौफुली येथे शनिवारी (ता. २४) चक्काजाम आंदोलन झाले. मराठा समाजाला ओबीसीतून आरक्षण मिळावे, यासाठी हे आंदोलन झाले.

मनोज जरांगे- पाटील यांच्या आवाहनानंतर मराठा समाजाच्या आरक्षणासाठी चक्काजाम आंदोलनात जिल्हा मराठा समाजाचे आंदोलक सहभागी झाले.

सरकारने वेळोवेळी मराठा समाजाची फसवणूक केली. मराठा समाजाला व सग्यासोयऱ्यांना ओबीसीतून आरक्षण देण्यात यावे, अशी मराठा समाजाची मागणी असताना ती सरकारने फेटाळून लावली. अधिवेशनामध्ये दहा टक्के आरक्षणाचे गाजर देऊन न टिकणारे आरक्षण दिले व मराठा समाजाची मोठी फसवणूक केली आहे.

त्यामुळे चक्काजाम आंदोलन केले. परिणामी, दुतर्फा वाहतुकीची कोंडी झाली. आंदोलनात ज्येष्ठ सुधाकर बेंद्रे, भानुदास बगदे, विनोद जगताप, निंबा मराठे,

राजेंद्र काळे, भोला वाघ, संदीप पाटोळे, माजी आमदार शरद पाटील, अतुल सोनवणे, श्यामकांत सनेर, प्रकाश पाटील, ललित भारुडे, दीपक रौंदळ, प्रभाकर वाघ, किशोर वाघ, वीरेंद्र मोरे, पवन मराठे, विशाल मराठे.

हेमंत भडक, हिमानी वाघ, डॉ. मानसी पाटील, नरेश देवकर, तुषार पाटील, विलास ढवळे, सुनील सरोदे, देवा मोरे, सुनील पाटील, अरविंद भोसले, हेमंत चव्हाण, राजेंद्र जाधव आदी सहभागी झाले.