मेहुणबारे (ता. चाळीसगाव) : चाळीसगावहून दरेगाव येथे जाणाऱ्या बसचालकास एकाने मारहाण करून शिवीगाळ केल्याची घटना आज सकाळी सातच्या सुमारास खडकी फाट्यावर घडली. याबाबत शासकीय कामात व्यत्यय आणल्याप्रकरणी शिवीगाळ करणाऱ्याविरूद्ध गुन्हा दाखल करण्यात आला आहे.

चाळीसगाव आगारातून दरेगावला ही बस (क्रमांक एमएच 14 बीटी 2422) जात होती. या बसचे चालक मोहन भगवान गढरी आज सकाळी बस घेऊन दरेगावहून खडकीसिंम फाट्यावर आले. तेथे उभ्या असलेल्या चेतन प्रभाकर पाटील या तरूणाने बसचालक मोहन गढरी यांना शिवीगाळ करून थोबाडीत मारली. शिवीगाळ केल्याचे कारण स्पष्टं झाले नाही. मेहुणबारे पोलिसांनी मोहन गढरी यांच्या तक्रारीवरून चेतन पाटील याच्या विरोधात गुन्हा दाखल केला आहे.