शहादा ः शिरूड चौफुली नजीक सालदारनगर भागात सूर्या गृहोद्योग कारखान्याला रात्री बाराच्या सुमारास अचानक आग लागली. आगीत संपूर्ण फॅक्‍टरी जळून खाक झाली आहे. शॉर्टसर्किटने आग लागण्याचा अंदाज व्यक्त केला जात आहे. 
सूर्या फॅन म्हणून येथील उत्पादक प्रसिद्ध होते. त्याचप्रमाणे इतर फरसाण व नमकीन पॅकिंग साहित्य संपूर्ण राज्यात विक्री केली जात होती. सुदैवाने यात जीवित हानी झाली नसून आगीत सुमारे दोन ते कोटी कोटी रूपयांचे आर्थिक नुकसान झाले असल्याचा अंदाज व्यक्त केला जात आहे. पहाटे चार वाजेच्या सुमारास आग आटोक्‍यात आणली. शहादा तळोदा नंदुरबार, नवापूर, दोंडाईचा व सातपुडा साखर कारखान्याच्या अग्निशामक दलाच्या बंबांनी आगीवर नियंत्रण मिळविले. फॅक्‍टरीचे मालक मुकेश तवर हे चेन्नई येथे गेले असून आज दुपारपर्यंत शहाद्याला पोहोचतील. तहसीलदार मनोज खैरनार, पोलीस निरीक्षक संजय शुक्‍ला यांनी घटनास्थळी भेट दिली आहे.