नाशिक: गेल्या अनेक दिवसांपासून राज्यात सुरू असलेल्या राजकीय घडामोडींमुळे सोशल मिडीयावरही वातावरण ढवळून निघाले होते. मंगळवारी (ता.26) राजकीय त्सुनामीनंतर सोशल मिडीयावरही पडसाद उमटले होते. देवेंद्र फडणवीस यांनी आपले सोशल मिडीयावरील अकाऊंटवर दुरूस्ती करत काळजीवाहू मुख्यमंत्री असा उल्लेख केला. तर अजित पवार यांनीही पुन्हा एकदा माजी मुख्यमंत्री असे प्रोफाईलवर नमुद केले. 

मंगळवारी (ता.26) दिवसभर सोशल मिडीयावर राज्यातील राजकारणाबाबतची चर्चा सोशल मिडीयावर सुरू राहिली. ट्विटरवर ट्रेंडीगवर फक्‍त आणि फक्‍त राज्यातील घडामोडीच बघायला मिळाल्या. सायंकाळी उशीरा #MaharashtraPoliticalDram हा हॅशटॅग ट्रेंडीगवर राहिला.

ट्रेंडीगकडेच लक्ष

 या पाठोपाठ सतरा हजारहून अधिक ट्विट असलेला #AjitPawar हा हॅशटॅग दुसऱ्या क्रमांकावर राहिला. तर #GoodbyeFadanvis हा हॅशटॅक तिसऱ्या क्रमांकावर ट्रेंडींग करत होता. तसेच #PawarSoniaSena हा हॅशटॅगदेखील ट्विटरवर ट्रेंडींगला बघायला मिळाला. 

दरम्यान राजकीय घडामोडी घडल्यानंतर मुख्यमंत्री देवेंद्र फडणवीस यांनी राजीनामा दिल्यानंतर आपले ट्‌विटर व फेसबुकवरील प्रोफाईलची माहितीत बदल करत केअरटेकर चीफ मिनिस्टर अर्थात काळजीवाहू मुख्यमंत्री असा उल्लेख केला. तर अजित पवार यांनीही माजी उपमुख्यमंत्री असा उल्लेख आपल्या ट्‌विटर अकाऊंटवर केला होता. 

सीएमओ महाराष्ट्र ट्‌विटवर फडणवीस 
मुख्यमंत्री कार्यालयाचे ट्‌विटर हॅंडल असलेल्या सीएमओ महाराष्ट्र या ट्‌विटर हॅंडलवर मुख्यमंत्री देवेंद्र फडणवीस यांच्याच नावाचा उल्लेख होता. तर त्यांचेच छायाचित्र या अकाऊंटवर असल्याचे बघायला मिळाले.