नाशिक : कोरोनाग्रस्त देशांतून आलेल्या नागरिकांची संख्या मंगळवार (ता. 31)पर्यंत 384 पर्यंत पोचली असून, त्यात यूएईमधून आलेल्या नागरिकांची संख्या शंभर झाली आहे. त्याखालोखाल अमेरिकेतून आलेल्या नागरिकांची संख्या नोंदली गेली आहे. 

परदेशातून आतापर्यंत 384 नागरिक परतले 
महापालिकेतर्फे मंगळवारी कोरोनाविषयक माहिती प्रसिद्ध केली. कोरोनाग्रस्त देशातून आलेल्या नागरिकांची संख्या 384 झाली आहे. 14 दिवसांचे सर्वेक्षण पूर्ण झालेले 74 नागरिक असून, आजपर्यंत 311 नागरिकांचे दैनंदिन सर्वेक्षण केले जात आहे. कोरोनाग्रस्त दूषित रुग्णांच्या संपर्कात आलेले दहा नागरिक आहेत. 301 नागरिकांच्या हातावर होम क्वारंटाइनचे शिक्के मारले आहेत. 301 नागरिकांच्या घरावर होम क्वारंटाइन स्टिकर लावली आहेत. कोरोनाग्रस्त देशांपैकी यूएईमधून 100, इटलीतून सात, इराणमधून एक, सौदीमधून तीन, जर्मनी 13, चीन दोन, यूएसए 35, यूकेमधून 34, तर इतर देशांतून 189 नागरिक नाशिकमध्ये आले आहेत.  

हेही वाचा > #Lockdown : ...अन् अडकलेल्या 'त्या' गर्भवतीच्या मदतीला 'ते' देवदूतासारखे धावून आले!

हेही वाचा > होम क्वारंटाईन झालेले बच्चू कडू म्हणतात.. "भावांनो हात जोडतो, घरीच थांबा" बाहेर पडू नका,