नाशिक : जिल्ह्यातील ६२१ पैकी ५६६ ग्रामपंचायतींतील चार हजार २२९ सदस्य निवडीसाठी ११ हजार ५६ उमेदवार निवडणूक रिंगणात असून, १२ लाख ८४ हजार मतदार गावाचे कारभारी निवडणार आहेत. जिल्ह्यातील १५२ केंद्रांवर शुक्रवारी (ता. १५) मतदान होत आहे.

तयारी पूर्णत्वास, संवेदनशील केंद्रांवर बंदोबस्त ​

निवडणुकीसाठी नऊ हजार ७६० कर्मचाऱ्यांची नियुक्ती करण्यात आली आहे. निवडणुकांची तयारी अंतिम टप्प्यात आली आहे. नाशिक जिल्ह्यात ६२१ ग्रामपंचायतींच्या सार्वत्रिक निवडणुका घोषित जाहीर झाल्या असून, ५५ ग्रामपंचायतींत एक हजार ६२२ जागा बिनविरोध निवडून आल्या आहेत. त्यामुळे जिल्ह्यात चार हजार २२९ जागांसाठी ग्रामपंचायत निवडणुका होणार आहेत. जिल्ह्यात निवडणुकीची तयारी सुरू आहे.

हेही वाचा > तरुणाकडून धक्कादायक वस्तू सापडताच पोलीसही हैराण! युवावर्गाला सहज मिळणाऱ्या गोष्टीचा लावणार शोध?

अतिसंवेदनशील केंद्रांवर विशेष बंदोबस्त

जिल्ह्यात एकूण पाच हजार ८९५ पैकी एक हजार ६२२ उमेदवार बिनविरोध झाल्यामुळे चार हजार २२९ जागांसाठी निवडणुका होत आहेत. निवडणुकीसाठी प्रशासनाने ६१ बस, ४०२ जीप आणि १२६ मिनी बस अधिग्रहीत केल्या आहेत. जिल्ह्यात ४४ संवेदनशील, तर आठ अतिसंवेदनशील केंद्रांवर विशेष बंदोबस्त तैनात करण्यात येणार आहे.  

हेही वाचा > एकच व्यवहार आणि जर्मनीला उच्च शिक्षण घेण्याचे तरुणाचे स्वप्न क्षणार्धात भंगले!