नाशिक- वयाची साठी उलटल्यानंतर अनेकांना निवृत्तीने निराशा गाठते. मात्र साठीनंतरही अनेक वृत्तपत्र विक्रेते मोठ्या उत्साहाने ऊन, वारा, पाऊस याची तमा न बाळगता नित्यनेमाने वृत्तपत्र वाचकांपर्यंत पोहोचवितात. सेवाभावी वृत्तीने ही सेवा संपूर्ण आयुष्यभर केल्याबद्दल त्यांच्या कार्याचा गौरव मंगळवारी (ता. ४) ‘सकाळ’तर्फे करण्यात आला. सन्मानामुळे भारावलेल्या वृत्तपत्र विक्रेत्यांच्या चेहऱ्यावर समाधानाचा भाव दिसून आला. औचित्य होते... ‘सकाळ’च्या उत्तर महाराष्ट्र आवृत्तीच्या ३६ व्या वर्धापन दिनाचे.

‘सकाळ’च्या सातपूर कार्यालयाच्या प्रांगणात हा सोहळा पार पडला. या वेळी निवासी संपादक अभय सुपेकर, महाव्यवस्थापक संजय पाटील, मुख्य व्यवस्थापक (जाहिरात) पंकज पिसोळकर, वितरण व्यवस्थापक बळिराम पवार, वृत्तपत्र विक्रेता संघटनेचे अध्यक्ष चंद्रकांत पवार (शहर), दत्तात्रय ठाकरे (सिडको), सुनील मगर (नाशिक रोड), राजू अनमोला (सातपूर) आदी उपस्थित होते. या वेळी निवासी संपादक सुपेकर म्हणाले, की वृत्तपत्र कितीही सुंदर व सर्वसमावेशक असले परंतु वाचकांपर्यंत जर ते पोहोचले नाही तर त्याचा काहीही उपयोग होत नाही. त्यामुळे हे सर्वांत महत्त्वाचे हे काम वृत्तपत्र विक्रेत्यांमार्फत होते.

वाचक आणि वृत्तपत्र यामधील महत्त्वाचा दुवा विक्रेते बांधव आहेत. ‘सकाळ’वर केलेले प्रेम व दिलेले पाठबळ यामुळेच या आवृत्तीचा इतका मोठा यशस्वी प्रवास झालेला आहे, असेही त्यांनी नमूद केले. या वेळी वृत्तपत्राचे डेपोचालक संदीप शेवाळे, टी. पी. पाटील व इब्राहिम पठाण यांचा विशेष सत्कार करण्यात आला. बळिराम पवार यांनी प्रास्ताविक केले. वृत्तपत्र विक्रेत्यांतर्फे धनंजय सिन्नरकर, प्रकाश कुलकर्णी, देवीदास बाविस्कर, रमेश महाले, नामदेव सोनार, अशोक नांदगावकर, दत्तू दाणी, गणेश हासे यांनी मनोगतव्यक्त केले. योगेश शिंपी यांनी सूत्रसंचालन केले. किशोर केळुसकर यांनी आभार मानले.

सत्कारार्थी वृत्तपत्र विक्रेते...

अनिल सलादे, अशोक निकम, भगवंतराव चिखले, दत्तात्रय खंडारे, देवीदास बाविस्कर, दिलीप मुनोत, कैलास गंगवाल, किशोर कुलकर्णी, नामदेव सोनार, पठाण मुनीर खान, प्रकाश चव्हाण, प्रकाश कुलकर्णी, प्रकाश वाघ, प्रवीण पत्की, राजाराम पाटील, राजेंद्र येवले, राजेंद्र मिश्रा, रमेश महाले, रवींद्र खैरनार, रवींद्र सजनुले, संजय विरकर, सतीश आहेरराव, सुनील कुलकर्णी, विजय पवार, विलास गुंबाडे, विश्वास सजनुले, विश्वास दलाल, रमेश पोद्दार, दिलीप कटारिया, राजकुमार कायस्थ, रतन एरंडे, सुभाषचंद्र कटारिया, सुरेश भांड, सूर्यभान शिंदे, अनिल चौधरी, अशोक नांदगावकर, बापू चौधरी, दत्तात्रेय म्हेत्रे, दिवाकर करजोदकर, हरिदास भालके, महेंद्र देऊळगावकर, श्‍यामसुंदर कोपळ, सुदाम राहटळ, दीपक बायस, दीपक नागरे, ज्ञानेश्वर वाघ, इस्माईल पठाण, कमलाकर डमाले, किरण ठोसर, संपदा फडके, सोमनाथ माळवे, सुखदेव काळे, विलास वाडेकर व योगेश झेंडे.