जुने नाशिक : मार्चअखेर पूर्व विभागीय कार्यालयाने विक्रमी थकबाकी वसुली केली आहे. घरपट्टी, पाणीपट्टी तसेच विविध कर कक्षात मोडणारी थकबाकीपोटी सुमारे ४० कोटींची वसुली केली आहे. दोन वर्षात कोरोना प्रादुर्भावामुळे थकबाकी वसुली होऊ शकली नव्हती.

मार्चअखेर महापालिका आयुक्तांकडून विभागीय अधिकाऱ्यांना थकबाकी वसुली करण्याच्या सूचना करण्यात आल्या होत्या. त्यानुसार सर्वच विभागांकडून महिनाभरापासून घरपट्टी पाणीपट्टी विविध कर विभागात मोडणाऱ्या थकबाकी वसुलीकडे लक्ष केंद्रित करण्यात आले होते. पूर्व विभागीय कार्यालयाकडून त्याअनुषंगाने विक्रमी वसुली केली आहे. ३१ मार्चपर्यंत सुमारे ३९ कोटी ६२ लाख ११ हजार ६६६ इतकी वसुली झाली. त्यात केवळ ३१ मार्च या एका दिवसात विभागीय अधिकारी स्वप्नील मुधळवाडकर यांच्या मार्गदर्शनाखाली कर्मचाऱ्यांच्या पथकाने एक कोटी ७६ लाख ४३ हजार ९८८ इतकी विक्रमी थकबाकी वसुली केली. दोन वर्षाच्या कोरोना काळातील थकबाकीसह यंदाची अशा तीन वर्षांच्या थकबाकीपोटी कोटीचे देण्यात आलेल्या लक्षपैकी सुमारे पन्नास टक्के लक्ष एका वर्षात पूर्व विभागीय कार्यालयाकडून पार करण्यात आले. अद्यापही बहुतांश शासकीय तसेच राजकीय कार्यालयांकडे प्रस्तावित असलेली कोटीची थकबाकी येणे बाकी आहे. ती थकबाकी वसुली झाली असती तर १०० टक्के लक्ष्य पूर्ण झाले असते.

असे असले तरी कोरोना प्रादुर्भावानंतर इतक्या मोठ्या प्रमाणात झालेली वसुली महापालिका तिजोरीत भर घालणारी आहे. वसुलीत महापालिकेच्या अभय योजनेचाही सहभाग राहिला आहे. योजनेच्या माध्यमातून थकबाकीदारांना दिलेल्या सूटमुळे अनेक थकबाकीदारांनी मोठ्या प्रमाणात बिलाची रक्कम भरल्याने वसुलीत वाढ होण्यास मदत झाली आहे.

वसुलीचे स्वरूप - वसुली रक्कम

घरपट्टी २७ कोटी २१ लाख १९ हजार ९३६

पाणीपट्टी १० कोटी ४० लाख ९१ हजार ७३०

विविध कर ०२ कोटी