नाशिक : भगवी शाल घातल्याने द काश्मीर फाईल्स (The Kashmir Files) चित्रपटाला प्रवेश नाकारल्याची तक्रार करीत, आज द काश्मीर फाईल्स चित्रपटाच्या शो दरम्यान पीव्हीआर (PVR) सिनेमामध्ये गोंधळ होऊन काही काळ परिसरात तणावाचे वातावणरण होते.

...आणि शो खास महिलांसाठी होता

महिला प्रेक्षकाला भगवी शाल घालून चित्रपटगृहात प्रवेश नाकारण्यात आल्यानंतर काही महिला आक्रमक झाल्या. त्यांनी सुरक्षारक्षकांना जाब विचारला. इतर महिलांनी जोरदार घोषणाबाजी केली. मात्र, पोलिस आल्यावर काही वेळात हे प्रकरण परस्पर सामंजस्याने मिटवण्यात आले. कॉलेजरोडवरील पीव्हीआर सिनेमा चित्रपटगृहात बुधवारी द काश्मीर फाईल्स चित्रपटाचा शो खास महिलांसाठी आयोजित केला होता. यावेळी एक महिला भगवी शाल परिधान करून आली. सुरक्षारक्षकांनी प्रवेशाला विरोध केल्याने महिला आणि सुरक्षारक्षकांत बाचाबाची झाली. त्यामुळे गोंधळ वाढला. महिलांनी यावेळी जोरदार घोषणाबाजी केली.