नाशिक ः एचडीएफसी ऍग्रो जनरल इन्शुरन्स कंपनीतर्फे जागृती पुरस्कार कनिष्ठ प्रश्‍नमंजूषा स्पर्धेत देवळाली हायस्कूलने बाजी मारली. ही स्पर्धा पहिल्यांदा नाशिकमध्ये झाली. सिद्धेश गडेकर आणि तनाज शेख याने यश मिळविले. 20 शाळा सहभागी झाल्या होत्या. अहमदाबाद, औरंगाबाद, बडोदा, भोपाळ, इंदूर, मुंबई, नागपूर, गोवा, पुणे, राजकोट आणि सुरतमधील विजेत्यांशी मुंबईत होणाऱ्या पश्‍चिम विभागीय अंतिम स्पर्धेत देवळाली हायस्कूलच्या विद्यार्थ्यांची स्पर्धा असेल. विमा क्षेत्राविषयी जागरूकता निर्माण करण्यासाठी नाशिकमधील 20 शाळांमधील आठवी व नववीच्या पाच हजार विद्यार्थ्यांसाठी ही स्पर्धा घेण्यात आली.