घोटी - धामणगाव (ता. इगतपुरी) येथील माध्यमिक निवासी आश्रमशाळेतील इयत्ता 10वीच्या विद्यार्थ्याने मंगळवारी पहाटे शाळेसमोरील झाडाला गळफास घेत आत्महत्या केली. याबाबत घोटी पोलीस ठाण्यात आकस्मिक मुत्यूची नोंद करण्यात आली आहे.

शरद भाऊ उघडे (वय 16) असे या विद्यार्थ्याचे नाव असून, तो खडकेद (ता. इगतपुरी) येथील रहिवासी होता. सध्या दहावीची परीक्षा सुरू असल्याने या आश्रमशाळेतील विद्यार्थी रात्रभर अभ्यास करत होते. अशातच पाहटेच्या सुमारास शरदने शाळेसमोरील झाडाला दोराच्या साह्याने गळफास घेत आत्महत्या केली. सकाळी आठला व्यायामासाठी मैदानावर आलेल्या विद्यार्थ्यांनी ही बाब लक्षात येताच अधीक्षक, मुख्याध्यापक व गृहरक्षकांच्या निदर्शनास आणून दिली. त्यानंतर घोटी पोलिसांशी संपर्क साधून ही माहिती देण्यात आली.