परतवाडा (अमरावती) : गेल्या आठवड्‌यात शहरात घडलेल्या तेहेरी हत्याकांडानंतर अटक करण्यात आरोपींना सोमवारी (ता. सात) न्यायालयात हजर केले असता शाम नंदवंशी यांच्या हत्येच्या पहिल्या गुन्ह्यात 4 संशयित आरोपींना गुरुवारपर्यंत(ता. 10) ठेवण्याचे आदेश न्यायालयाने दिले.
अतिक व सैफ अली या दोघांच्या हत्येच्या दुसऱ्या गुन्ह्यात बुधवारपर्यंत (ता. नऊ) पोलिस कोठडीत ठेवण्याचे आदेश न्यायालयाने दिले. उर्वरित 26 संशयित आरोपींना न्यायालयीन कोठडी सुनावल्याने त्यांची रवानगी मध्यवर्ती कारागृहात झाली असे पोलिसांनी सांगितले. विजयादशमीच्या पूर्वसंध्येला संचारबंदी मधील शिथिलता वाढून रात्री अकरा ते सकाळी चारपर्यंत संचारबंदी लागू करण्यात आली आहे.
शांततेसाठी सहकार्य करा
सार्वजनिक उत्सवात शांतता प्रस्थापित करण्यासाठी पोलिस प्रशासनाला सहकार्यकरण्याचे आवाहन उपविभागीय पोलिस अधिकारी अब्दागिरे यांनी केले.