अमरावती - विदर्भाचे नंदनवन असलेल्या चिखलदरा नगरपरिषदेच्या निवडणुकीत काँग्रेसने बाजी मारली असून भाजपला जबर फटका बसला आहे.
राष्ट्रवादी काँग्रेस व शिवसेनेने या निवडणुकीत कोणताच रस घेतला नव्हता. त्यामुळे काँग्रेस व भाजपमध्ये थेट लढत झाली. एकुण 17 जागेसाठी 44 उमेदवार रिंगणात होते. नगराध्यक्षपदाची माळ काँग्रेसच्या विजया राजेंद्र सोमवंशी यांच्या गळ्यात पडली. भाजपच्या दुर्गा उर्फ पूजा आशिष चौबे या पराभूत झाल्या. 17 पैकी 12 जागांवर काँग्रेसने विजय मिळवला. केवळ 5 जागांवर भाजपला समाधान मानावे लागले. भाजपच्या मंत्री, आमदार व स्थानिक नेत्यांसह कार्यकर्त्यांनी या निवडणुकीत प्रचंड जोर लावला होता. परंतु काँग्रेसने या नगरपरिषदेवर आपला दबदबा कायम राखला आहे.