कोरची (जि. गडचिरोली) : कोरची पोलीस स्टेशनमध्ये कार्यरत असलेले पतिराम दर्रो या पोलीस शिपायाने आज सकाळी 7 च्या दरम्यान स्वतःवर गोळी झाडून आत्महत्या करण्याचा प्रयत्न केल्याची घटना पोलीस स्टेशनमध्ये घडली.

सदर घटनेची माहिती मिळताच पोलिस स्टेशनचे पोलीस अधिकारी गोरखनाथ दहिफळे यांनी दर्रो यांना गंभीर अवस्थेत येथील ग्रामीण रुग्णालयात दाखल करून प्राथमिक उपचार करून 108 रुग्णवाहिकेने नागपूरला हलविण्यात आले.
कोरची येथील दवाखान्यात 108 गाडी उपलब्ध नसल्यामुळे 40 किमी अंतरावरील कुरखेडा येथून गाडी बोलवण्यात आली. ही गाडी कोरचीला 9.30 ला पोहोचली. या गाडीतील डॉक्टर चौधरी हे गाडीसोबत न येता, त्यांनी रूग्णासह गाडी कुरखेडाला बोलाविली. या गाडीत डॉक्टर नसल्यामुळे नुसत्या ड्रायव्हर च्या भरवशावर गंभीर रूग्णाला कसे पाठवायचे? असा प्रश्न असतानाच उपस्थित पत्रकार व पोलीस अधिकारी यांनी चर्चा करून कोरची येथील दवाखान्यात उपस्थित डॉक्टर कावडकर यांना सोबत घेऊन रुग्णाला नागपूरला पाठविण्यात आले.