अकोला : देशभरामध्ये आज (ता. 28) पुकारण्यात आलेल्या बंदमध्ये अकोल्यातील व्यावसायिकही सहभागी झाले आहेत. त्यामुळे शुक्रवारी बाजारपेठेत सर्वत्र शुकशुकाट दिसून येत आहे.

वॉलमार्ट, फ्लिपकार्ट डील आणि रिटेलमध्ये विदेशी गुंतवणूकच्या विरूद्ध कॉन्फेडरेशन ऑफ ऑल इंडीया ट्रेडर्सने (कॅट) भारत बंदचे आवाहन केले आहे. विदर्भ चेंबर ऑफ कॉमर्स अॅण्ड इंडस्ट्रीने या संपात सहभागी होण्याचा निर्णय घेतला आहे.

दुपारपर्यंत पेट्रोल पंपही बंद
व्यापाऱ्यांच्या बंदमध्ये पेट्रोलपंप संचालकही सहभागी होत आहे. त्यामुळे शुक्रवारी सकाळी ८ ते दुपारी १ वाजेपर्यंत जिल्ह्यातील सर्व पेट्रोलपंप बंद राहणार आहेत.

रथक्रांती यात्रा आज अकोल्यात
रथक्रांती यात्रा देशातील संपूर्ण राज्यात प्रवास करीत आहेत. ही यात्रा शुक्रवारी दुपारी ३ वाजता खंडेलवाल भवन येथे येणार आहे. त्यानंतर शहरातून व्यापारी या यात्रेमध्ये सहभागी होऊन रॅली काढणार आहेत.