अकोला : गोरक्षण रोडवरील शहरातील प्रसिद्ध असलेली दत्त मेडिकल अज्ञात चोराने गुरुवारी (ता.5) पहाटे तीन वाजता दरम्यान फोडली. या चोराने मेडिकलच्या गल्ल्यातील रोख 1 लाख 15 हजार रुपये लंपास केले. याप्रकरणी तक्रारीवरून खदान पोलिस ठाण्यांत अज्ञांताविरुद्ध विविध कलमान्वये गुन्हा दाखल करण्यात आला आहे. 

 गोरक्षण रोडवरील दत्त मेडिकलमध्ये गुरुवारी पहाटे तीन वाजता दरम्यान अज्ञांत चोराने मेडिकलचे शटर उचकटून प्रवेश केला. मेडिकलच्या गल्ल्यात ठेवलेले 1 लाख 15 हजार रुपये या चोराने लंपास केले. याप्रकरणी भूपेश सुभाशचंद्र मुंदडा (वय 37) यांनी खदान पोलिस ठाण्यांत तक्रार दिली. या तक्रारीवरून खदान पोलिसांनी घटनास्थळाचा पंचनामा केला. तर अज्ञांताविरुद्ध कलम 461, 380 अन्वये गुन्हा दाखल केला आहे.