वाशीम : रिसोड तालुक्यातील हराळ फाट्यावर सायकल-मोटरसायकल अपघात होऊन दोन जण ठार झाले. हि घटना सोमवारी रात्री अकरा वाजता घडली. 

याबाबत प्राप्त माहीतीनुसार, हराळ येथील राजकुमार जयराम सरकटे (वय 40) हे सायकलने रिसोडवरून हराळडे असताना समोरून येणाऱ्या मोटरसायकलने सायकलस्वारास जबर धडक दिली. या अपघातात सायकलस्वार राजकुमार सरकटे (रा. हराळ) व मोटरसायकलस्वार भिमराव शेळके (वय 46 रा. सवड) हे जागीच ठार झाले.

राजकुमार सरकटे हे रिसोड येथे शेतमजुरी करीता गेले होते. या घटनेने सवड व हराळ परिसरात शोककळा पसरली आहे.