Ravikiran Ingawale Call Recording Viral: जिल्हाप्रमुख संजय पवार आणि शहरप्रमुख रवीकिरण इंगवले यांच्यात संघर्ष असल्याचं दिसतंय. इंगवलेंनी पवारांच्या पीएला केलेल्या कॉलची रेकॉर्डिंग व्हायरल होत असल्याची चर्चा आहे.

शिवसेना ठाकरे गटाचे कोल्हापूर जिल्हा प्रमुख आणि उपनेते संजय पवार आहे. तर, कोल्हापूर शहर प्रमुख रवीकिरण इंगवले यांच्यातला अंतर्गत वाद चव्हाट्यावर आलाय. दोघांनीही पक्षाकडे उमेदवारी मागितली आहे. पक्षाच्या मेळाव्यात नाव नसल्याने कोल्हापूर शिवसेना उबाठाचे शहरप्रमुख रवीकिरण इंगवले नाराज झाले आहेत.

पक्ष अडचणीत असताना एकत्र येऊन काम करण्याची गरज असताना चुकीचे वर्तन संजय पवार करत असल्याचा आरोप केला. तर, पक्षाच्या वरिष्ठांकडे तक्रार करणार असल्याचा इशाराही इंगवले यांनी दिलाय. रविकिरण इंगवले यांचा कॉल व्हायरल झाला असून त्यामुळे ठाकरे गटातील वाद चव्हाट्यावर आलाय. तरी, व्हायरल कॉल रेकॉर्डिंगची सकाळ माध्यम समूह पुष्टी करत नाही.