Amazon Layoffs : अ‍ॅमेझॉनच्या कर्मचाऱ्यांना मोठा झटका; 18 हजार लोकांना मिळणार नारळ, नोटीस जारी!

जगातील सर्वात मोठी ई-कॉमर्स कंपनी Amazonने पुन्हा एकदा मोठ्या संख्येने कर्मचार्‍यांना कामावरून काढू शकते.

विशेष बाब म्हणजे यावेळची कर्मचारी कपात आधीच्या कपातीपेक्षा मोठी असू शकते. वॉल स्ट्रीट जर्नलमध्ये प्रसिद्ध झालेल्या वृत्तानुसार अॅमेझॉनमध्ये नोव्हेंबर महिन्यापासून कर्मचारी कपात सुरू आहे.

कंपनी 10,000 कर्मचाऱ्यांना काढून टाकणार होती, पण आता हा आकडा 18,000 च्या पुढे जाऊ शकतो. आतापर्यंत कंपनीने याबाबत कोणतेही अधिकृत वक्तव्य जारी केलेले नाही.

अमेझॉनची वाढ अलीकडच्या काळात झपाट्याने कमी झाली आहे. अशा परिस्थितीत हजारो कर्मचाऱ्यांना कामावरून काढून टाकून कंपनी आपला खर्च कमी करण्याचा प्रयत्न करत आहे.

अमेरिकेतील सिएटल येथील कंपनीने नोव्हेंबर महिन्यात सुमारे 10,000 कामगारांना कामावरून काढून टाकण्याची तयारी केली होती.

यामध्ये रिटेल, एचआर विभागातील अनेक कर्मचाऱ्यांचा समावेश आहे. यासोबतच कंपनीने असेही सांगितले होते की, कोरोना महामारीच्या काळात कंपनीने अनेक नवीन लोकांना कामावर घेतले होते.

हेही वाचा : ..तर तुम्हालाही मिळू शकेल इन्कमटॅक्सचा जुना रिफंड

2022 मध्ये, नोव्हेंबरमध्ये न्यूयॉर्क टाइम्समध्ये प्रकाशित झालेल्या अहवालानुसार, Amazon ने जगभरात सुमारे 1.6 दशलक्ष लोकांना रोजगार दिला.

जर एकूण 18,000 कर्मचार्‍यांनी आपली नोकरी गमावली तर ती कंपनीच्या एकूण कर्मचार्‍यांच्या 12 टक्के असेल. ज्या कर्मचाऱ्यांची कपात केली जाईल त्यांना 24 तासांची नोटीस आणि वेतन दिले जाईल.

2023 मध्ये अमेरिकेसह संपूर्ण जग मंदीच्या गर्तेत आहे. अशा परिस्थितीत 2022 सालापासूनच अनेक कंपन्यांनी आपल्या कर्मचाऱ्यांना कामावरून काढण्यास सुरुवात केली होती. यामध्ये ट्विटर, मायक्रोसॉफ्ट, फेसबुकची मूळ कंपनी मेटा अशा अनेक बड्या कंपन्यांच्या नावांचा समावेश आहे.