मुंबई : सुकन्या समृद्धी योजना सन २०१४ मध्ये सुरू करण्यात आली आणि आतापर्यंत देशातील अनेक मुलींना आर्थिक लाभ मिळाला आहे. या योजनेचा मुख्य उद्देश मुलींच्या शिक्षण आणि लग्नावरील खर्च सहजपणे भागवणे हा आहे. या योजनेत अनेक मोठे बदल करण्यात आले आहेत.
सुकन्या समृद्धी योजना काय आहे ?
सुकन्या समृद्धी योजनेंतर्गत मध्यमवर्गीय कुटुंबातील मुलींना आर्थिक मदत देण्यास सुरुवात केली आहे. योजनेअंतर्गत मुलीच्या शिक्षणासाठी किंवा लग्नासाठी टपाल खात्यात 'सुकन्या समृद्धी योजना' खाते उघडता येते. हे खाते उघडल्यानंतर 14 वर्षांपर्यंत तुम्हाला रक्कम जमा करावी लागेल. यानंतर, जेव्हा तुमची मुलगी 18 वर्षांची होईल, तेव्हा तुम्ही खात्यात ठेवलेले अर्धे पैसे काढू शकता आणि ते तुमच्या मुलीला देऊ शकता.
21 वर्षे पूर्ण झाल्यावर खाते बंद केले जाईल आणि तुम्हाला व्याजासह पैसे मिळतील. सुकन्या समृद्धी योजनेअंतर्गत, 10 वर्षांपेक्षा कमी वयाच्या, तुम्ही तुमच्या मुलीसाठी 250 रुपयांचे खाते उघडू शकता.
काय बदल झाले आहेत ?
सुकन्या समृद्धी योजनेच्या नवीन नियमांनुसार, सुकन्या समृद्धी योजनेच्या कोणत्याही खात्यात चुकीचे व्याज जमा झाल्यास ते परत करण्याचा नियम आता काढून टाकण्यात आला आहे. व्याज योग्य खात्याच्या नावावर आहे की नाही हे लक्षात ठेवावे लागेल.
या योजनेअंतर्गत, तुमची मुलगी वयाच्या 10 व्या वर्षी सुकन्या समृद्धी योजना खाते वापरू शकत होती, परंतु आता तुमची मुलगी 18 वर्षांची होईपर्यंत परवानगी नाही. 18 वर्षापूर्वी केवळ पालक सुकन्या समृद्धी योजना खाते वापरू शकतात. आणखी एका बदलानुसार, तुम्ही वर्षभरात किमान 250 रुपये आणि कमाल 1.5 लाख रुपये जमा करू शकता.
जर तुम्ही खात्यात किमान रक्कम जमा केली नाही तर हे खाते डिफॉल्ट होईल. नवीन बदलानुसार आता तिसऱ्या मुलीलाही या योजनेचा लाभ मिळू शकणार आहे. यापूर्वी या योजनेचा लाभ कुटुंबातील दोनच मुलींना मिळत होता. तर हे सर्व बदल होते जे तुम्हाला गुंतवणूक करण्यापूर्वी माहित असणे आवश्यक आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.