दक्षिण भारतातील इलेक्ट्रॉनिक्स वस्तूंची विक्री करणारी सर्वात मोठी रिटेल चेन इलेक्ट्रॉनिक्स मार्टचा (Electronics Mart) आयपीओ उद्या येत आहे. आयपीओ 4 ऑक्टोबरला सबस्क्रिप्शनसाठी खुला होईल आणि 7 ऑक्टोबरला बंद होईल. 3 ऑक्टोबर अर्थात आज अँकर गुंतवणूकदारांसाठी हा इश्यू खुला करण्यात आला. या इश्यूअंतर्गत कंपनी 500 कोटी रुपयांचे नवीन शेअर्स जारी करेल. 12 ऑक्टोबर रोजी शेअर्सचे फायनल वाटप होईल आणि 17 ऑक्टोबरला लिस्टिंग होईल. कंपनीने गेल्या वर्षी सप्टेंबर 2021 मध्ये बाजार नियामक सेबीकडे ड्राफ्ट पेपर दाखल केले होते.
प्राइस बँड
इलेक्ट्रॉनिक्स मार्ट इंडियाच्या आयपीओमध्ये 254 शेअर्सच्या लॉटमध्ये कोणीही गुंतवणूक करू शकतो. यासाठी 56-59 रुपयांचा प्राइस बँड निश्चित करण्यात आला आहे, म्हणजे किरकोळ गुंतवणूकदारांना आयपीओमध्ये किमान 14,986 रुपये गुंतवावे लागतील. प्रति शेअर फेस व्हॅल्यू 10 रुपये आहे. इश्यूच्या 50 टक्के क्वालिफाइड इंस्टीट्यूशनल बायर्ससाठी (क्यूआयबी), 15 टक्के नॉन इंस्टीट्यूशनल बायर्ससाठी (NII) आणि 35 टक्के रिटेल गुंतवणूकदारांसाठी राखीव आहेत.
आयपीओतून उभारण्यात येणारे 111.44 कोटी रुपये कॅपिटल एक्सपेंडिचरसाठी, 220 कोटी रुपये वर्किंग कॅपिटलची वाढीव गरज भागवण्यासाठी आणि 55 कोटी रुपये कर्ज फेडण्यासाठी वापरले जातील. इश्यूचे प्रमुख व्यवस्थापक आनंद राठी एडवायझर्स, आयआयएफएल सिक्युरिटीज आणि जेएम फायनान्शियल आहेत.
इलेक्ट्रॉनिक्स मार्ट इंडियाची सुरुवात पवन कुमार बजाज आणि करण बजाज यांनी केली होती. आंध्र प्रदेश, तेलंगणा आणि एनसीआर मधील 36 शहरे/नगरांमध्ये त्याची 112 दुकाने आहेत. गेल्या आर्थिक वर्ष 2021-22 मध्ये, ऑपरेशन्समधून 4349.32 कोटी रुपयांचा महसूल मिळाला होता, हाच आकडा एक वर्षापूर्वी 3201.88 कोटी रुपये होता.
दुसरीकडे, आर्थिक वर्ष 2021-22 मध्ये, वार्षिक आधारावर नेट प्रॉफिट 103.89 कोटी रुपयांवरून 40.65 कोटी रुपयांवर घसरले. ऑगस्ट 2022 पर्यंत कंपनीच्या वर्किंग कॅपिटल फॅसिलिटीज 919.58 कोटी रुपये होती तर जून 2022 पर्यंत निव्वळ कर्ज 446.54 कोटी रुपये होते.
नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
